सोलापूर : पाचव्या आंतरराष्ट्रीय गणवेश प्रदर्शन घोषणापत्राचे नितीन गडकरींच्‍या हस्ते लाँचिंग
सोलापूर; पुढारी वृत्तसेवा :
2030 पर्यंत आंतरराष्ट्रीय क्षेत्रात भारताची ओळख एकसमान सोर्सिंग हब व्‍हावी, असा संकल्‍प सोलापूर गारमेंट मॅन्युफॅक्चरर्स असोसिएशनचा आहे. या माध्‍यमातून मोठ्या प्रमाणावर रोजगार निर्मिती होईल. काेराेना महामारीमुळे गणवेश क्षेत्रात मोठी मंदी आली होती; परंतु आता काेराेनाचेचे रूग्ण कमी झाल्याने सोलापूर गारमेंट मॅन्युफॅक्चरर्स असोसिएशनने हैदराबादमध्ये भव्य गणवेश प्रदर्शनाचे प्रदर्शनाचे आयोजन करण्याचा निर्णय घेतला.
या प्रदर्शनाला प्रथमच ३० हून अधिक आंतरराष्ट्रीय देश म्हणजे जगातील १२% देश उपस्थित राहतील अशी अपेक्षा आहे, या प्रदर्शनाच्या ब्रँडिंगसाठी,रविवारी केंद्रीय रस्ते व वाहतूक मंत्री माननीय नितीन गडकरी यांच्या हस्ते या प्रदर्शनाचा टीझर लॉन्च सोलापुरात करण्यात आला. यावेळी गडकरी बोलत होते. याप्रसंगी व्यासपीठावर आमदार सुभाष देशमुख, सोलापूर रेडिमेड कापड उत्पादक संघाचे उपाध्यक्ष सतीश पवार,राजू कोचर,अमित जैन,प्रकाश पवार,अजय रंगरेज यांची प्रमुख उपस्थिती होती,
या प्रदर्शनात संपूर्ण भारतातून 250 हून अधिक गणवेश उत्पादक सहभागी होण्याची अपेक्षा आहे, ज्यामुळे त्यांचे मनोबल खूप वाढेल. या प्रदर्शनाला मोठ्या ब्रँडिंगची आवश्यकता असेल.गडकरी यांच्या हस्ते टीझर लाँच झाला आहे यामुळे आंतरराष्ट्रीय स्तरावर ब्रँडिंग होईल आणि सोलापूर गारमेंट मॅन्युफॅक्चरर्स असोसिएशनचे स्वप्न पूर्ण होण्याच्या दिशेने वाटचाल होईल, असा विश्‍वास सोलापूर गारमेंट असोसिएशनचे संचालक अमित जैन यांनी व्यक्त केलं आहे.
यावेळी रस्ते व वाहतूक मंत्री नितीन गडकरी म्हणाले की, गारमेंट उत्पादनासाठी लागणारे कच्चा माल सोलापुरातच उत्पादन करावे तसेच कापडदेखील सोलापूरमधूनच तयार करावे जेणेकरून इथे रोजगार उपलब्ध होईल. युनिफॉर्मचे उत्पादन खर्च कमी होईल यामुळे आंतरराष्ट्रीय बाजारपेठेतील स्पर्धेत टिकून राहू, त्याचप्रमाणे सोलापूर गारमेंटच्या उत्पादनांचे इ-मार्केटिंग करावे एका क्लिकवरून सोलापूरच्या उत्पादनांची माहिती जगभरात पोहोचेल असंही नितीन गडकरी म्हणाले. उत्पादन घेताना नेहमी नवीन प्रकारचे उत्पादन घेण्यावर भर दयावे, यासाठी एक डीझाइन सेंटर सुरू करावे, असा सल्लाही गडकरी यांनी दिला.
सोलापूर रेल्वे स्थानकाजवळ एखादी जागा मिळाल्यास तिथे वेअर हाऊस तयार करून तेथूनच एक्स्पोर्ट करता येईल. त्यामुळे तुमचा वाहतूक खर्चाची बचत हाेईल यासाठी प्रयत्न करावे, असंही गडकरी यांनी सांगितले. हैद्राबाद येथे नोव्हेंबर 2022 साली होणाऱ्या 5 व्या गारमेंट प्रदर्शनात देशभरातील गारमेंट उत्पादकांनी सहभाग नोंदवावा, असं आवाहन नितीन गडकरी यांनी केलं.
हेही वाचा