नगर : पुढारी वृत्तसेवा : गामा भागानगरे खूनप्रकणातील पसार आरोपी संतोष अविनाश सरोदे आज सकाळी नगरमध्ये आला असता चार जणांनी त्याचे अपहरण केले. माळीवाड्यातील फुलसौंदर चौकात नेवून लाकडी दांडक्याने जबर मारहाण केली. याबाबत तोफखाना पोलिस ठाण्यात चार जणांविरुद्ध गुन्हा दाखल झाला आहे. ओंकार घोलप, कृष्णा भागानगरे, भय्या बीडकर व एका अनोळखी व्यक्तीचा आरोपींमध्ये समावेश आहे. संतोष सरोदे याने फिर्यादीत म्हटले, पाच ते सहा महिन्यांपूर्वी मित्रांमध्ये भांडण झाले होते.
