मुंबई : गिरगाव चौपाटी येथील इमारतीला आग; दोन नागरिकांचा मृत्यू
मुंबई ; पुढारी वृत्‍तसेवा गिरगाव चौपाटी येथील गोमती भवन या इमारतीला (शनिवार) रात्री आग लागली. ही आग आज (रविवार) पहाटे विझविण्यात अग्निशमन दलाला यश आले. या आगीत ९ जणांची अग्निशमन दलाने सुटका केली असून, या आगीत दोन वयोवृद्ध नागरिकांचा मृत्यू झाला आहे.
गिरगाव चौपाटी येथे गोमती भवन ही तळ अधिक तीन मजली इमारतीला काल रात्री आग लागली होती. इमारतीच्या तिसऱ्या मजल्यावरील घरात शनिवारी रात्री ९.३२ वाजता आग लागली. या आगीची माहिती मिळताच अग्निशमन दल घटनास्थळी दाखल झाले. आगीच्या ठिकाणाहून अग्निशमन दलाने ९ जणांना सुखरूप बाहेर काढले.
याच इमारतीमधील तिसऱ्या मजल्यावरील एका घरात दोन मृतदेह अग्निशमन दलाला आढळून आले. हे दोन्ही मृतदेह जे जे रुग्णालयात पाठवण्यात आले आहेत. हिरेन शाह (वय ६० वर्षे) आणि नलिनी शाह (८२ वर्षे) अशी मृतांची नावे आहेत. इमारतीतील आगीवर ३.३५ वाजता नियंत्रण मिळवण्यात अग्निशमन दलाला यश आले आहे.
हेही वाचा :
- Assembly Election Results 2023 | भाजपनं छत्तीसगड, राजस्थान काँग्रेसकडून हिसकावलं, ‘एमपी’त पुन्हा ‘कमळ’, तेलंगणात BRS बाहेर
- Chhattisgarh Election Result 2023 | छत्तीसगडमध्ये भाजप जिंकल तर कोण होणार मुख्यमंत्री? ही ५ नावे चर्चेत
- Rajasthan Assembly Legislative Result 2023: राजस्थानात सत्ता बदलाची परंपरा कायम; BJP सत्ता स्थापनेच्या वाटेवर