अहमदनगर; पुढारी वृत्तसेवा : अहमदनगर जिल्ह्यात सध्या सरासरीपेक्षा कमी पर्जन्यमान झाले आहे. त्यामुळे चारा टंचाई परिस्थिती गंभीर होण्याची शक्यता आहे. त्यामुळे खबरदारी म्हणून दोन महिन्यांसाठी जिल्ह्यातून चारा वाहतुकीस मनाई करण्यात आली आहे.
गेल्या वर्षीच्या पेरणी अहवालानुसार 1 एप्रिल 2023 पासून 30 लाख 41 हजार मेट्रीक टन चारा शिल्लक असून, अंदाजे साडेतीन महिने इतका पुरणार आहे. जिल्ह्यातील चार्‍याची उपलब्धता पाहता भविष्यात टंचाई भासण्याची शक्यता नाकारता येत नाही.
त्यामुळे जिल्हादंडाधिकारी सिध्दाराम सालीमठ यांनी फौजदारी प्रक्रिया संहिता 1973 चे कलम 144 नुसार प्राप्त झालेल्या अधिकाराचा वापर करीत अहमदनगर जिल्ह्यात उत्पादित होणारा चारा, मुरघास आणि टोटल मिक्स रेशन (टीएमआर) यांची इतर जिल्ह्यांत वाहतूक करण्यास मनाई आदेश जारी केला आहे. हा आदेश पुढील दोन महिन्यांसाठी लागू राहणार आहे.
हेही वाचा
