दरम्यान अमरावती लोकसभेच्या जागेवरून भाजप आणि शिंदे गटांमध्ये सध्या रस्सीखेच सुरू आहे. शिवसेना शिंदे गटाचे माजी खासदार आनंदराव अडसूळ या जागेवर पुन्हा एकदा निवडणूक लढण्यास इच्छुक आहे. त्यामुळे त्यांनी ही जागा शिवसेनेच्याच वाट्याला येईल असे सांगत नवनीत राणा या भाजपमध्ये गेल्या आणि भाजप ने त्यांना तिकीट दिल्यास राजकारण सोडू पण राणांच्या प्रचाराला जाणार नाही, अशी भूमिका स्पष्ट केली होती. यासंदर्भात विचारलेल्या प्रश्नावर बोलताना खासदार नवनीत राणा यांनी, कोण काय बोलते यावर आपण बोलणार नाही. कोण राजकारण सोडेल आणि कोण नाही हा माझा विषय नाही असे त्या म्हणाल्या. (Lok Sabha Election 2024)