Viral Disease : चीनमधील वाढत्या न्यूमोनियामुळे भारत सरकार अलर्ट; राज्यांना दिले निर्देश

नवी दिल्ली; पुढारी वृत्तसेवा : चीनमध्ये न्यूमोनियाच्या (Pneumonia in China) वाढत्या प्रकरणांमुळे भारतातही चिंता वाढली आहे. केंद्रीय आरोग्य मंत्रालयाने सर्व राज्ये आणि केंद्रशासित प्रदेशांना सार्वजनिक आरोग्य केंद्रे आणि रुग्णालये यांना सतर्कतेचा इशारा दिला आहे. आरोग्य मंत्रालय या परिस्थितीवर बारकाईने लक्ष ठेवून असल्याचे दिसून येत आहे. (Viral Disease)

आरोग्य मंत्रालयाने सर्व राज्ये आणि केंद्रशासित प्रदेशांना 'कोविड-19′ सारख्या आजारांवर पाळत ठेवण्यासाठी ऑपरेशनल मार्गदर्शक तत्त्वे' लागू करण्यास सांगितले आहे. अशा परिस्थितीत, जिल्हा आणि राज्य अधिकारी ILI/SARI (इन्फ्लूएंझा सारखा आजार/तीव्र श्वसन संसर्ग) प्रकरणांवर लक्ष ठेवतील. इन्फ्लूएंझा, मायक्रोप्लाझ्मा न्यूमोनिया, SARS-CoV-2 सारख्या कारणांमुळे श्वसन रोगांमध्ये वाढ होत आहे. (Viral Disease)

• कोरोनाच्या नव्या नावात 'न्यूमोनिया'

काही मीडिया रिपोर्ट्समध्ये उत्तर चीनमधील मुलांमध्ये श्वसनाच्या आजाराची प्रकरणे नोंदवली गेली आहेत. याबाबत केंद्रीय आरोग्य मंत्रालयाने सांगितले की, उपलब्ध माहितीनुसार चीनमध्ये गेल्या काही आठवड्यात श्वसनाच्या आजारांची प्रकरणे वाढली आहेत. त्यात म्हटले आहे की, 'लहान मुलांमधील श्वसनाच्या आजारांची सामान्य कारणे ओळखली गेली आहेत आणि कोणतेही असामान्य रोगजनक किंवा कोणतेही अनपेक्षित क्लिनिकल नमुने ओळखले गेले नाहीत.'

हेही वाचा

• न्यूमोनियापासून बचावासाठी उपयुक्त ठरणार हिमोफिलस लस
• हिवाळ्यात मुलांना न्यूमोनियाचा धोका, 'अशी' घ्या काळजी
• Colds and pneumonia : जाणून घ्या सर्दी आणि न्यूमोनिया बद्दल