पुढारी ऑनलाईन – ज्ञानवापी मशिद परिसरात शिवलिंग सापडल्याचा दावा हिंदू पक्षाने केला होता. या शिवलिंगाचे शास्त्रीय पद्धतीने संशोधन करण्याचे मागणी हिंदू पक्षाने केली होती. जिल्हा न्यायाधीश ए. के. विश्वेश यांनी यावर ११ ऑक्टोबरल निकाल दिला जाईल असे जाहीर केले आहे. या प्रकरणात हिंदू पक्षाने 'शिवलिंग' आणि अर्घ यांचे परिसराचे पुरातत्त्व विभागाच्या वतीने शास्त्रीय संशोधन करण्याची मागणी केली होती. (Shivling Gyanvapi Mosque)
या याचिकेवर २९ सप्टेंबरला सुनावणी झाली होती. पण यावरील निकाल न्यायधिशांनी राखून ठेवला होता. या याचिकेवर आज (शुक्रवार) निकाल अपेक्षित होता. पण न्यायाधिशांनी निकाल प्रलंबित ठेवला आहे.
न्यायाधीश म्हणाले, "कार्बन डेटिंग करण्याची कोणताही मागणी करण्यात आलेली नव्हती. शास्त्रीय संशोधन व्हावे जेणे करून शिवलिंग आहे की कारंज आहे, हे स्पष्ट होऊ शकेल."
६ आणि १६ मे या कालावधित ज्ञानवापी परिसरात सर्व्हे करण्यात आला होता. हिंदू पक्षाच्या वकिलांनी मशिदीच्या वजूहखान्यात शिवलिंग असल्याचा दावा केला होता. अॅड. विष्णू जैन ज्ञानवापी प्रकरणात हिंदू पक्षाची बाजू मांडत आहेत. ते म्हणाले, "लक्ष्मी देवी, सीता साहू, मंजू व्यास, रेखा पाठक या प्रकरणात वादी आहेत. यांनी शिवलिंगाचे कार्बन डेटिंग करावे आणि Ground Penetrating Radar च्या मदतीने सर्व्हे करावा अशी मागणी केलो होती."
तर मुस्लिम पक्षाने कार्बन डेटिंगला विरोध केला होता. ते शिवलिंग नसून कारंजा आहे, असे मुस्लिम पक्षाचे मत होते.
इतर दोन खटल्यांत गुरुवारी सुनावणी होऊ शकली नव्हती. शंकराचार्य स्वामी अविमुक्तेश्वरानंद यांच्यावतीने या 'शिवलिंगा'च्या पूजेचा हक्क मिळावा यासाठी याचिका दाखल केली आहे. तर अन्य एका खटल्यात 'शिवलिंग' मिळालेला परिसर हिंदूंच्या ताब्यात द्यावा अशी मागणी करण्यात आली आहे. २० मे रोजी सर्वोच्च न्यायालयाने हे खटले वाराणसी जिल्हा न्यायालयाकडे हस्तांरित केले होते.
हेही वाचा