![Sandeep Deshpande Attack : संदीप देशपांडेवर हल्ला करणारे दोघेजण ताब्यात](http://media.assettype.com/pudhari%2Fimport%2Fwp-content%2Fuploads%2F2023%2F03%2Fthackeray.jpg?w=480&auto=format%2Ccompress&fit=max)
मुंबई ; पुढारी ऑनलाईन : मनसे नेते संदीप देशपांडे यांच्यावर काल (शुक्रवार,दि.३) सकाळी मॉर्निंग वॉक करताना हल्ला झाला. सध्या त्यांच्यावर हिंदुजा रूग्णालयात दाखल करण्यात आले आहे. ४ अज्ञातांनी हल्ला केल्याची माहिती समोर येत आहे. त्यांच्यावर हल्ला करणाऱ्या आरोपींचे फुटेज सीसीटीव्हीमध्ये कैद्य झाले होते. या आधारे शोधमोहीम सुरु होती. दोघा आरोपींना आज (दि.४) ताब्यात घेण्यात आले आहे. वाचा सविस्तर बातमी (Sandeep Deshpande Attack )
मनसे नेते संदीप देशापांडे शिवाजी पार्कात नेहमी प्रमाणे मॉर्निंग वॉकला गेले होते. यावेळी त्यांच्यावर तोंडाला मास्क लावून आलेल्या हल्लेखोरांनी त्यांच्यावर हल्ला करत लोखंडी रॉड आणि स्टंम्पने मारहाण केली. या हल्ल्यात देशपांडे जखमी झाले आहेत. ही घटना काल (शुक्रवार,दि.३) घडली आहे. अचानक हा हल्ला झाल्याने वेसावध देशपांडे या हल्ल्यात जखमी झाले. यावेळी शिवाजी पार्कात मॉर्निंग वाकला आलेल्या लोकांनी त्यांना हल्लेखोरांपासून वाचवण्याचा प्रयत्न केला असता हल्लेखोर तेथून पसार झाले. यानंतर स्थानिक नागरिकांनी त्यांना हिंदुजा रूग्णालयात दाखल केले. अजुनही संदीप देशपांडे यांच्यावर अजून उपचार सुरु आहेत.
माहितीनूसार संदीप देशापांडे यांच्यावर हल्ला करणारे हे भांडूप मधील असून त्यांना मुंबई पोलिसांनी ताब्यात घेतलं आहे. दोघेजण हे शिवसेना ठाकरे गटाचे असल्याच समोर येत आहे. यातील एका व्यक्तीचे नाव अशोक खरात आहे. हा शिवसेना महाराष्ट्र माथाडी जनरल कामगार सेनेचा उपाध्यक्ष आहे. भांडुपच्या कोकण नगर विभागचा तो रहिवासी आहे. काही दिवसांपूर्वी त्याने ठाकरे गटात प्रवेश केला होता. तर दुसरा सोलंकी नामक व्यक्ती ही त्याचाच सहकारी असल्याचे समजत आहे. आज सकाळी भांडुप येथील त्यांच्या राहत्या घरून त्यानं गुन्हे शाखेने ताब्यात घेतले आहे.
हेही वाचा