![salman khan](http://media.assettype.com/pudhari%2Fimport%2Fwp-content%2Fuploads%2F2023%2F01%2Fkisi-ka-bhai.jpg?w=480&auto=format%2Ccompress&fit=max)
पुढारी ऑनलाईन डेस्क : दीर्घ प्रतीक्षेनंतर 'किसी का भाई किसी की जान' (kisi Ka Bhai Kisi Ka Jaan Teaser) चित्रपटाचा टीजर आज २५ जानेवारी रोजी रिलीज झाला आहे. टीजरमध्ये सलमान खानचा ॲक्शन अवतार पाहायला मिळाला. तर शहनाज गिलचीदेखील वेगळी झलक पाहायला मिळाली. (kisi Ka Bhai Kisi Ka Jaan Teaser) हा टीजर प्रेक्षकांच्या पसंतीस उतरला आहे. सलमानचा दमदार ॲक्शन अवतार लोकांना पसंतीस उतरत आहे. सलमान खान शिवाय आणखी एक स्टार चर्चेत आहे ती म्हणजे शहनाज गिल.
टीझरमध्ये सलमान खान आणि पूजा हेगडे यांचा रोमान्स दिसला. पण, एका सीनमध्ये शहनाज गिलची झलक देखील पाहायला मिळाली. शहनाजला टीजरमध्ये पाहन फॅन्स खूप खूश आहेत. टीझरमध्ये शहनाज गिल देसी अवतारात दिसत असून ती खूप सुंदर दिसतेय.
सोशल मीडियावर शहनाज – सलमान खानचे फोटो व्हायरल होत आहेत. ती ट्विटर वर ट्रेंडला आहे. तिचा साऊथ इंडियन अवतार फॅन्सना खूप आवडला आहे. ती घाघरा- चोळीमध्ये खूप सुंदर दिसतेय. ती स्माईल करताना दिसतेय. हा एखाद्या गाण्याचा सीन असल्याचे म्हटले जात आहे.