पुढारी ऑनलाईन डेस्क : भारतीय अंतराळ संशोधन संस्था इस्रोने मंगळवारी गगनयान मोहिमेतील चार अंतराळवीरांना समोर आणले. पंतप्रधान नरेंद्र मोदी यांनी आज (दि.२७) केरळमधील तिरुअनंतपूरम येथील विक्रम साराभाई स्पेस सेंटरला (VSSC) भेट दिली. यादरम्यान कार्यक्रमात त्यांनी गगनयानातील चार अंतराळवीरांच्या नावांची घोषणा केली. पीएम मोदींच्या हस्ते गगनयान मोहिमेचे प्रशिक्षण घेतलेल्या चार अंतराळवीरांना पंख प्रदान करत त्यांना या मोहिमेसाठी शुभेच्छा देण्यात आल्या. जाणून घेऊया भारताच्या गगनयान मोहिमेतील कोण आहेत 'हे' चार भारतीय यांच्याविषयी… (Gaganyaan Mission Astronauts)
प्रशांत बालकृष्णन नायर, अंगद प्रताप, अजित कृष्णन आणि शुभांशु शुक्ला हे चार अंतराळवीर आहेत. जे भारताच्या गगनयान या पहिल्या मानवी अंतराळ उड्डाण मोहिमेसाठी प्रशिक्षण घेत असल्याची घोषणा पंतप्रधान नरेंद्र मोदी यांनी आज (दि.२७) केली. चार वर्षांपूर्वी शॉर्ट-लिस्ट केलेले हे चौघे अतराळवीर बंगळूरमधील एअरक्राफ्ट अँड सिस्टीम्स टेस्टिंग एस्टॅब्लिशमेंटचे (ASTE) भारतीय वायुसेनेचे (IAF) चाचणी वैमानिक आहेत. (Gaganyaan Mission Astronauts)
गगनयान मोहीमेसाठी निवडण्यात आलेल्या चार अंतराळवीरांना भारतातील सर्व प्रकारच्या लढाऊ विमानांच्या उड्डाणाचा अनुभव आहे. त्यामुळे लढाऊ विमानांच्या उणिवा आणि खासियत त्यांना माहीत आहेत. या सर्वांना रशियातील जिओग्नी शहरात असलेल्या रशियन स्पेस ट्रेनिंग सेंटरमध्ये प्रशिक्षण देण्यात आले आहे. सध्या हे सर्वजण बंगळूर येथील अंतराळवीर प्रशिक्षण केंद्रात प्रशिक्षण घेत आहेत, असेदेखील इस्रोने दिलेल्या माहितीत म्हटले आहे.
प्रशांत बालकृष्णन नायर : ग्रुप कॅप्टन प्रशांत बालकृष्णन नायर यांचा जन्म 26 ऑगस्ट 1976 रोजी केरळमधील तिरुवाझियाड येथे झाला. ते एनडीएचे माजी विद्यार्थी आहेत आणि एअर फोर्स अकादमीमध्ये स्वॉर्ड ऑफ ऑनरचे मानकरी आहेत. 19 डिसेंबर 1998 रोजी ते IAF च्या लढाऊ प्रवाहात नियुक्त झाले. ते एक कॅट अ फ्लाइंग इन्स्ट्रक्टर आणि एक चाचणी पायलट आहेत, ज्यात सुमारे 3000 तास उडण्याचा त्यांना अनुभव आहे. त्यांनी Su-30 MKI, MiG-21, MiG-29, Hawk, Dornier, An-32 इत्यादींसह विविध लढाऊ विमाने उडवली आहेत. ते युनायटेड स्टेट्स स्टाफ कॉलेजचे माजी विद्यार्थी आणि DSSC, वेलिंग्टन आणि FIS, तांबरम येथे DS झालेले आहेत. त्यांनी प्रीमियर फायटर Su-30 Sqn चे कमांडिंग केले आहे, असे 'ANI' या वृत्तसंस्थेने दिलेल्या वृत्तात म्हटले आहे. (Gaganyaan Mission Astronauts)
अजित कृष्णन : ग्रुप कॅप्टन अजित कृष्णन यांचा जन्म 19 एप्रिल 1982 रोजी चेन्नई (तामिळनाडू) येथे झाला. ते एनडीएचे माजी विद्यार्थी आहेत आणि हवाई दल अकादमीमध्ये राष्ट्रपतींचे सुवर्णपदक आणि सन्मानाची तलवार मिळवणारे आहेत. त्यांना 21 जून 2003 रोजी IAF च्या फायटर स्ट्रीममध्ये नियुक्त करण्यात आले होते. ते फ्लाइंग इंस्ट्रक्टर आणि चाचणी पायलट आहेत ज्यात सुमारे 2900 तासांचा उड्डाणाचा अनुभव आहे. त्यांनी Su-30 MKI, MiG-21, MiG-21, Mig-29, Jaguar, Dornier, An-32 इत्यादी विविध विमाने उडवली आहेत. ते DSSC, वेलिंग्टनचे माजी विद्यार्थी देखील आहेत.
अंगद प्रताप : ISRO ने दिलेल्या माहितीनुसार, ग्रुप कॅप्टन अंगद प्रताप यांनी ग्रुपच्या इतर तीन सदस्यांसोबत 13 महिने रशियामध्ये प्रशिक्षण घेतले आहे. त्यांचा जन्म 17 जुलै 1982 रोजी प्रयागराज येथे झाला. ते एनडीएचे माजी विद्यार्थी आहेत आणि 18 डिसेंबर 2004 रोजी आयएएफच्या लढाऊ प्रवाहात त्यांची नियुक्ती झाली. ते फ्लाइंग इंस्ट्रक्टर आणि चाचणी पायलट आहेत ज्याला सुमारे 2000 तासांचा उड्डाणाचा अनुभव आहे. त्यांनी Su-30 MKI, MiG-21, MiG-29, Jaguar, Hawk, Dornier, An-32 इत्यादींसह विविध विमाने उडवली आहेत.
शुभांशु शुक्ला : विंग कमांडर शुभांशु शुक्ला यांनाही मॉस्कोच्या युरी गागारिन कॉस्मोनॉट ट्रेनिंग सेंटरमध्ये अंतराळ मोहिमेविषयी विविध प्रशिक्षण घेतले आहे. त्यांचा जन्म 10 ऑक्टोबर 1985 रोजी लखनौ (यूपी) येथे झाला. ते एनडीएचे माजी विद्यार्थी आहेत आणि 17 जून 2006 रोजी आयएएफच्या लढाऊ प्रवाहात त्यांची नियुक्ती झाली. ते एक फायटर कॉम्बॅट लीडर आणि सुमारे 2000 तासांचा उड्डाणाचा अनुभव असलेले चाचणी पायलट आहेत. त्यांनी Su-30 MKI, MiG-21, MiG-29, Jaguar, Hawk, Dornier, An-32 इत्यादी विविध विमाने उडवली आहेत.
भारतीय अंतराळ संशोधन संस्थेकडून 'गगनयान' मोहीम 2025 मध्ये प्रक्षेपित केली जाईल. या अंतर्गत 400 किलोमीटरच्या निम्न कक्षेत दोन ते तीन अंतराळवीरांना अवकाशात पाठवले जाईल. दोन ते तीन दिवस अंतराळात घालवल्यानंतर त्यांना पुन्हा हिंद महासागरात सुरक्षितपणे समुद्रात उतरवले जाईल. या मोहिमेसाठी हे वर्ष अत्यंत महत्त्वाचे असून या वर्षात मोहिमेशी संबंधित अनेक चाचणी, उड्डाणे इस्रो यावर्षभरात पूर्ण करणार आहे.
हेही वाचा:
