नाशिक : भंगार दुकानाला आग; लाखो रुपयांचे नुकसान

देवळा : भंगार दुकानाला अचानक आग लागल्याने आग विझवण्यासाठी रहिवाशांकडून प्रयत्न सुरु. (छाया: सोमनाथ जगताप)

नाशिक (देवळा): पुढारी वृत्तसेवा

तालुक्यातील मटाणे येथील भंगार दुकानाला अचानक आग लागली असून आगीने रौद्ररूप धारण केले आहे. आग विझविण्यासाठी स्थानिक नागरिक शर्थीचे प्रयत्न करीत आहेत. सटाणा येथील अग्निशमक दलाला पाचारण करण्यात आले आहे. यात कुठल्याही प्रकारची जीवितहानी झाली नसली तरी यात लाखो रुपयांचे नुकसान झाल्याचा प्राथमिक अंदाज वर्तविण्यात येत आहे. देवळा येथे अग्निशमनाची सोय उपलब्ध नसल्याने तालुका वासियांकडून नाराजी व्यक्त होत आहे.