![Murha Devi](http://media.assettype.com/pudhari%2Fimport%2Fwp-content%2Fuploads%2F2022%2F09%2F%E0%A4%A6%E0%A5%87%E0%A4%B5%E0%A5%80.jpg?w=480&auto=format%2Ccompress&fit=max)
अमरावती, पुढारी वृत्तसेवा : सातपुडा पर्वतरांगेत वसलेल्या मेळघाटातील आदिवासी बांधवांना जगदंबेच्या दर्शनासाठी माहूरला जाणे शक्य होत नव्हते. त्यामुळे खुद्द जगदंबा माता सातपुड्याच्या पायथ्याशी प्रकटली, अशी आख्यायिका आहे. हीच जगदंबा म्हणजे जिल्ह्यातील अंजनगाव सुर्जी तालुक्यात असणारी मुर्हादेवी होय. (Murha Devi) विशेष म्हणजे, देशात हरिजनांसाठी मंदिर खुली करावी यासाठी महात्मा गांधींनी सुरू केलेल्या चळवळी दरम्यान देशातील सर्वात प्रथम हरिजनांसाठी खुले झालेले मंदिर हे मुर्हा देवीचेच आहे. आणखी एक वैशिष्ट्य म्हणजे मुर्हादेवीच्या पूजेचा अधिकार फक्त महिलांनाच आहे.