मिसेस मुख्यमंत्री : ही जोडी मोठ्या पडद्यावर करणार ‘दिशाभूल’

पुढारी ऑनलाईन डेस्क

मिसेस मुख्यमंत्री या लोकप्रिय दूरचित्रवाणी मालिकेतून घराघरात पोहोचलेली सुमी पायलटची जोडी पुन्हा एकत्र दिसणार आहे. महाराष्ट्राची लाडकी 'सुमी' म्हणजेच अभिनेत्री अमृता धोंगडे आणि 'सुमी' चा लाडका 'पायलट' अर्थात अभिनेता तेजस बर्वे ही छोट्या पडद्यावरील लोकप्रिय जोडी पुन्हा एकदा एकत्र दिसणार आहेत. मिसेस मुख्यमंत्रीची ही जोडी नव्या वर्षात भेटीला येत आहे. अमृता धोंगडे आणि तेजस बर्वे यांची जोडी छोट्या नाही तर मोठ्या पडद्यावर प्रेक्षकांच्या भेटीला येणार असून त्यांच्या आगामी मराठी चित्रपटाचे नाव 'दिशाभूल' आहे.

Women Murder बारामतीत कुऱ्हाडीने वार करत महिलेचा खून, अंगणात शेळ्या जाण्यावरुन झाला होता वाद

सानवी प्रॉडक्शन हाऊस निर्मित आणि आशिष कैलास जैन दिग्दर्शित 'दिशाभूल' या चित्रपटाचा स्क्रिप्ट पूजन सोहळा नुकताच मोठ्या उत्साहात पुण्यात पार पडला.

नंदुरबार : शिवपुतळ्याच्या मिरवणुकीत कोरोना नियमांचे उल्लंघन, गुन्हे दाखल

यावेळी अभिनेता तेजस बर्वे, निर्मात्या आरती चव्हाण, नीलेश आर. विनोद नाईक, ऍड. प्रज्ञावंत गायकवाड, गोपाळ कडावत, संगीतकार प्रथमेश धोंगडे, गीतकार हरिभाऊ धोंगडे, नृत्य दिग्दर्शक नील राठोड, कला दिग्दर्शक वैभव शिरोळकर, वेशभूषाकार शीतल माहेश्वरी यांच्यासह चित्रपटातील कलाकार व तंत्रज्ञ उपस्थित होते.

'फॉरेस्ट गम्प'साठी अमेरिकेत 'लाल सिंग चढ्ढा'चा स्पेशल शो

चित्रपटाबद्दल बोलताना दिग्दर्शक आशिष कैलास जैन म्हणाले की, 'दिशाभूल' हा आजच्या तरुणाईचा चित्रपट आहे. कॉलेजमधील मुलांची ही अनोखी कथा आहे. यामध्ये फ्रेंडशिप, रोमान्स आणि सस्पेन्स थ्रीलर यांचा त्रिवेणी संगम बघायला मिळणार आहे.
'दिशाभूल' मध्ये अमृता धोंगडे, तेजस बर्वेसह आणखी एक जोडी मुख्य भूमिकेत दिसणार आहे, तसेच मराठी चित्रपटसृष्टीतील दिग्गज कलावंत प्रमुख भूमिकेत दिसणार आहेत.

निर्मात्या आरती चव्हाण म्हणाल्या, 'दिशाभूल' हा सानवी प्रॉडक्शन हाऊसचा पहिला चित्रपट आहे. नवीन वर्षांची सुरुवात एका मराठी चित्रपटसह करताना आम्हाला आनंद होत आहे.