Kuno National Park : कुनो नॅशनल पार्कमध्ये आणखी एका मादी चित्त्याचा मृत्यू

पुढारी ऑनलाईन डेस्क : मध्य प्रदेशातील श्योपूर जिल्ह्यात असलेल्या कुनो नॅशनल पार्कमध्ये चित्त्यांच्या मृत्यूची मालिका थांबण्याचे नाव घेत नाही. बुधवारी (दि.२) तिबिलिसी या आणखी एका मादी चित्त्याचा मृत्यू झाला. या घटनेनंतर कुनो नॅशनल पार्कमध्ये मरण पावलेल्या चित्त्यांची संख्या ९ झाली आहे.

• Haryana Nuh Violence: आतापर्यंत ६ जणांचा मृत्यू, तणावपूर्ण परिस्थिती कायम, ३० गुन्हे दाखल

कुनो नॅशनल पार्ककडून जारी केलेल्या प्रसिद्धीपत्रकात असे सांगण्यात आले की, तेथील सर्व १४ चित्ते निरोगी आहेत. कुनो आणि नामिबियाच्या वन्यजीव डॉक्टरांच्या टीमकडून त्यांची आरोग्य तपासणी केली जात आहे. नामिबियाचे तज्ज्ञ आणि कुनो वन्यजीव डॉक्टर आणि व्यवस्थापन पथक या दोन मादी चित्त्यांचा सतत पाठलाग करत होते. त्यांच्या आरोग्य तपासणीसाठी त्यांना पुन्हा बोमामध्ये आणण्यासाठी सातत्याने प्रयत्न सुरू होते. त्यातील एक मादी चित्ता टिबिलिसी बुधवारी सकाळी मृतावस्थेत आढळून आली. मृत्यूचे कारण शोधण्यासाठी पोस्टमॉर्टम केले जात आहे. कुनो नॅशनल पार्कमध्ये गेल्या चार महिन्यांत नऊ चित्त्यांचा मृत्यू झाला आहे. यामध्ये सहा बिबट्या आणि तीन पिलांचा समावेश आहे. आता कुनो नॅशनल पार्कमध्ये १४ चित्ता आणि एक पिल्लू शिल्लक आहे.

१९५२ पासून देशातून नामशेष झालेल्या चित्त्यांच्या पुनर्वसनासाठी सरकारकडून प्रयत्न केले जात आहेत. मध्य प्रदेशातील कुनो नॅशनल पार्कमध्ये चित्त्यांचे पुनर्वसन करण्याचा प्रयत्न करण्यात आला आहे. कुनो येथे चित्त्याची पिल्ले जन्माला आल्यानंतर हा प्रकल्प यशस्वी होताना दिसत होता, मात्र गेल्या चार महिन्यांपासून एकामागून एक चित्त्यांच्या मृत्यूच्या घटनांमुळे आता चित्ता प्रकल्प अडचणीत येताना दिसत आहे.

हेही वाचा : 

• PM Modi to BJP MPs | मुस्लिम भगिनींसोबत रक्षाबंधन साजरे करा : पीएम मोदींचे भाजप खासदारांना आवाहन
• Nuh Violence : नूंह हिंसेविरोधात विश्व हिंदू परिषदेचे दिल्लीत आंदोलन
• Nitin Chandrakant Desai : प्रतिभेचा कलावंत गमावला; नितीन चंद्रकांत देसाई यांना मान्यवरांची श्रद्धांजली