'सुखी माणसाचा सदरा' कोणाला सापडला आहे का ओ? किंवा सुखी माणसाचा सदरा बाजारात कुठे विकत मिळतो का? तर अजिबात तसे काही नसते. तो सुखी माणसाचा प्रतिकात्मक असा सदरा आपणही मिळवु शकतो; आपल्या जगण्यातून. कोरोना सारखी जागतिक महामारी, आर्थिक चणचण, बेरोजगारी, वाढत्या स्पर्धेत टिकण्यासाठीची धडपड, गरजेपेक्षा हव्यासापोटी मिळवणे. यासारख्या बऱ्याच गोष्टींमुळे आपण आपला आनंद गमावून बसलो आहोत का? असं अलिकाडच्या काही दिवसात लोकांना वाटु लागलं आहे. प्रत्येकाला आनंदी राहायला आवडतं असते; पण प्रत्येकाची आनंदाची संकल्पना वेगळी. एका व्यक्तीला आवडणारी गोष्ट दुसऱ्याला आवडेल असे नाही. प्रत्येकजण आनंदासाठी धडपडत असतो. जगत असताना आनंदाचे (International Happiness Day) विविध भावरंग आपल्याला पाहायला मिळतात. चला तर मग पाहूया आनंदी राहण्याचे फंडे.