पुढारी ऑनलाईन डेस्क : 'यह ढाई किलो का हाथ किसी पर पड़ता है तो वह उठता नहीं उठ जाता है…' आणि 'तारीख पर तारीख… तारीख पर तारीख' यासारख्या दमदार डायलॉग्जने सनी देओलने प्रेक्षकांची मने जिंकली. अभिनेता सनी देओल (HBD Sunny Deol) आज ६४ वर्षांचा झाला आहे. सनी देओल बॉलीवूडचा एक ॲक्शन हिरो आहे. सनी देओलच्या चित्रपटात ॲक्शन नाही, असं होऊच शकत नाही. गदर एक प्रेम कथा, भारतीय, घायाळ, घटक, बॉर्डर, बेताब यांसारखे हिट सिनेमे त्यांनी हिंदी चित्रपटसृष्टीला दिले आहेत, ज्यात उत्तम कथेसह भरपूर ॲक्शन आहे. या चित्रपटांमधून या अभिनेत्याने कोट्यवधी रुपये कमावले आहेत. (HBD Sunny Deol)
सनी देओलने १९८२ मध्ये आलेल्या 'बेताब' या चित्रपटातून हिंदी चित्रपटसृष्टीत पदार्पण केले, ज्यामध्ये त्याने अमृता सिंगसोबत स्क्रीन शेअर केली होती. बॉलीवूडमध्ये उत्कृष्ट काम केल्यानंतर, त्याने राजकारणात प्रवेश केला आणि येथेही वर्चस्व गाजवले. २०१९ च्या सार्वत्रिक निवडणुकीत भारतीय जनता पक्षाच्या तिकिटावर गुरुदासपूर लोकसभा जागा जिंकून तो संसदेत पोहोचला.
सनी देओलने ८० च्या दशकात हिंदी चित्रपटसृष्टीत पदार्पण केले आणि काही वेळातच तिने हिंदी चित्रपटसृष्टीत मजबूत पकड निर्माण केली. ९० च्या दशकात त्याची कारकीर्द शिखरावर होती आणि त्यानंतर एका चित्रपटासाठी तो जवळपास ९० लाख रुपये मानधन घेत असे. 'बॉर्डर' या चित्रपटासाठी त्यांनी तेवढेच मानधन घेतले होते. त्याचवेळी, आजच्या काळात त्यांची फी ५ ते ६ कोटींपर्यंत वाढली आहे. सनी देओलने 'चूप' चित्रपटासाठी ६ कोटी घेतले होते.
सनी देओल कोटींच्या संपत्तीचा मालक आहे. २०१९ च्या निवडणुकीच्या प्रतिज्ञापत्रात त्यांनी आपल्या संपत्तीची माहिती दिली होती. त्या दिवसांत सनीने सांगितले होते की, त्याच्याकडे ६० कोटी रुपयांची जंगम आणि २१ कोटी रुपयांची अचल संपत्ती आहे. मीडिया रिपोर्ट्सनुसार, आता अभिनेत्याची एकूण संपत्ती १७ मिलियन डॉलर (१३३ कोटी रुपये) आहे. तो एका महिन्यात एक कोटी रुपये कमावतो आणि तो अनेक आलिशान वाहनांचा मालक आहे.