Diwali Gold : धनत्रयोदशीला ७५ हजार कोटींची सोन्याची विक्री

नवी दिल्ली; पुढारी वृत्तसेवा: धनत्रयोदशीच्या ( Diwali Gold )  दिवशी देशभरात ७५ हजार कोटी रुपये किंमतीच्या १५ टन सोन्याची विक्री झाली असल्याची माहिती कॉन्फडरेशन ऑफ ऑल इंडिया ट्रेडर्सकडून (सीएआयटी) देण्यात आली आहे.

महाराष्ट्रात सर्वाधिक १५०० कोटी रुपयांची विक्री झाली असून दक्षिण भारतात हेच प्रमाण २ हजार कोटी रुपयांचे आहे. दिल्लीमध्ये १ हजार कोटी तर उत्तर प्रदेशात ६०० कोटी सोन्याची विक्री झाली आहे.

• इंदोरीकर महाराजांना लसीचे महत्त्व पटवून देणार : आरोग्यमंत्री राजेश टोपे

सोन्या आणि चांदीचे दर नरम असल्यामुळे खरेदीला अनुकूल वातावरण निर्माण झाले होते. या पार्श्वभूमीवर धनत्रयोदशीला ( Diwali Gold )  मोठ्या प्रमाणात सोन्याची खरेदी झाली आहे. सराफ बाजारासाठी हे अनुकूल संकेत असल्याचे सीएआयटीचे म्हणणे आहे. सोन्याचा विचार केला तर दाग-दागिन्यांबरोबरच नाण्यांच्या विक्रीत वाढ झाली आहे.

• Anti Drug Action : मागील तीन वर्षात १३१ कोटींचा ३४१४ किलो मुद्देमाल जप्त

कोरोना संकटातून जनजीवन पूर्वपदावर येत असल्याने देखील खरेदीला उधाण आले आहे. देशाची राजधानी दिल्लीत सोन्याचे प्रति तोळ्याचे दर ४६ ते ४७ हजार रुपयांच्या आसपास स्थिर आहेत. गत ऑगस्ट महिन्यात हेच दर ५७ हजार रुपयांपर्यंत गेले होते.

• मुंबई बनतेय ड्रग्ज हब; तीन वर्षांत २०८ गुन्ह्यांत २९८ जण अटकेत

केवळ सराफ बाजारात जाऊनच नव्हे ऑनलाईन माध्यमातूनही सोन्याची विक्री वाढली आहे. गत एक वर्षाच्या तुलनेत यंदाच्या धनत्रयोदशीदिवशी ग्राहकांच्या संख्येत चाळीस टक्क्यांनी वाढ झाली आहे.

हेही वाचलंत का? 

• Pune Crime : लग्नाच्या आणाभाका एकीला, साखरपुडा दुसरीबरोबर, डॉक्टर तरूणीच्या विनयभंगप्रकरणी गुन्हा
• स्वारगेट पोलिसांच्या दिव्याखाली अंधार..! बदलून गेल्यानंतर देखील 'तो' कर्मचारी कर्तव्यावर
• यंदाच्या दिवाळीत प्राजक्ता- गौरी लय भारी