बुलढाणा : डॉक्टरचा रुग्णवाहिकेत ह्रदयविकाराच्या धक्क्याने मृत्यू

बुलढाणा, पुढारी वृत्तसेवा : खामगाव तालूक्यातील रोहणा येथील प्राथमिक आरोग्य केंद्राच्या रूग्णवाहिकेवर कार्यरत असलेल्या कंत्राटी डॉक्टरचा धावत्या रूग्णवाहिकेतच मृत्यू झाला. ओमप्रकाश सुर्यवंशी (वय ४५, रा.खामगाव) असे मृत डॉक्टरचे नाव आहे. ही घटना शनिवारी रात्री  घडली.

, डॉ. ओमप्रकाश सुर्यवंशी हे शनिवारी कर्तव्यावर होते. रात्री 11 वाजता कॉल आल्याने ते रूग्णवाहिका घेऊन जात होते. वाटेतच त्यांना अस्वस्थ वाटू लागल्याने चालकाने उपचारासाठी रूग्णवाहिका तातडीने खामगाव येथील रूग्णालयात नेली. तपासणी केल्यानंतर डॉक्टरांनी त्यांना मृत घोषित केले. ह्रदयविकाराच्या धक्क्याने त्यांचा मृत्यू झाल्याचे डॉक्टरांनी सांगितले.

हेही वाचा :

• औरंगाबाद : विद्यार्थ्यांचा शिक्षणासाठी असाही जिवघेणा प्रवास..
• सोलापूर : वडाळा येथे जुगार खेळणाऱ्या १९ जणांवर कारवाई; ४ लाखांचा मुद्देमाल जप्त
• औरंगाबाद : दानवेंकडून 'मातोश्री'वर काळी जादू; गद्दारी करूनही बक्षिसी मिळाल्याचा आरोप