माहितीनुसार, मणिकंदन हिंदू मक्कल काची दक्षिण मदुराईचे उपसचिव होते. ते मदुराईच्या एमके नगरमध्ये दागिन्यांचे दुकान चालवत होते. मंगळवारी (दि.३१) रात्री ते दुकान बंद करून घरी परतत होते. दरम्यान, काही लोकांच्या टोळक्याने त्यांच्यावर मागून चाकू, विळा, दगडाने हल्ला केला. अमानुष मारहाण केल्यानंतर आरोपींनी मणिकंदनला जखमी अवस्थेत सोडून घटनास्थळावरून पळ काढला. यानंतर मणिकंदन यांना रुग्णालयात नेण्यात आले. मात्र, उपचारादरम्यान त्याचा मृत्यू झाला.