पुढारी ऑनलाईन डेस्क : 'गॉडफादर' (Godfather) चित्रपटाची बऱ्याच दिवसांपासून चर्चा आहे. या चित्रपटाची चाहत्यांना खूप दिवसांपासून प्रतीक्षा होती. मेगास्टार चिरंजीवीच्या 'गॉडफादर'मध्ये सलमान खान पहिल्यांदाच त्याच्यासोबत स्क्रीन शेअर करताना दिसणार आहे. या दोघांची जोडी पाहण्यासाठी चाहत्यांमध्ये चांगलीच चर्चा रंगली आहे. त्याचवेळी या चित्रपटाबाबत एक मोठी बातमी समोर येत आहे, जी ऐकून चाहत्यांना आनंद होईल. (Godfather)
वास्तविक, चिरंजीवीचा आगामी चित्रपट गॉडफादर हा बहुप्रतिक्षित चित्रपटांपैकी एक आहे. नुकतीच निर्मात्यांनी एक मोठी घोषणा केली आहे. या चित्रपटाचे पोस्टर ४ जुलै रोजी सायंकाळी ५:४५ वाजता प्रदर्शित होणार असल्याचे निर्मात्यांनी सांगितले आहे.
बॉलीवूडचा सुपरस्टार सलमान खान या चित्रपटात मोठी भूमिका साकारत आहे. चित्रपटात चिरंजीवी आणि सलमानचा धमाकेदार डान्सही पाहायला मिळणार आहे. नृत्य क्रमांक प्रभू देवाने कोरिओग्राफ केले आहेत, तर संगीत एस थमन यांनी दिले आहे.
राम चरण देखील 'गॉडफादर'बद्दल खूप उत्सुक आहे. अलीकडेच राम चरणने याबद्दल आनंद व्यक्त केला आणि सांगितले की, 'राम चरण गॉडफादरच्या फर्स्ट लूकसाठी खूप उत्साहित आहेत. त्याने ट्विटरवर प्रतीक्षाची एक जीआयएफ शेअर केली आणि लिहिले, '४ जुलै प्रतीक्षा ऐसा हो'. असे म्हटले जात आहे की, नयनताराही या चित्रपटात महत्त्वाच्या भूमिकेत दिसणार आहे.
यासोबतच पुरी जगन्नाथदेखील चित्रपटात कॅमिओ करताना दिसणार आहे. या चिरंजीवी चित्रपटाची निर्मिती कोनिडेला प्रोडक्शन कंपनी आणि सुपर गुड फिल्म्स यांनी केली आहे, जो मल्याळम चित्रपट 'लुसिफर'चा हिंदी रिमेक आहे. या चित्रपटात चिरंजीवी आणि सलमान खान एकत्र पडद्यावर दिसणार आहेत, जे पहिल्यांदाच एकत्र स्क्रीन शेअर करणार आहेत.
