पुढारी ऑनलाईन डेस्क : बॉलीवूड स्टार्स रणबीर कपूर, आलिया भट्ट, अमिताभ बच्चन आणि दिग्दर्शक अयान मुखर्जी यांचा चित्रपट 'ब्रह्मास्त्र पार्ट वन: शिवा' चा बहुप्रतीक्षित ट्रेलर उद्या १५ रोजी रिलीज होणार आहे. ट्रेलर रिलीज होण्याआधी चित्रपटाचे निर्माते कलाकारांच्या पात्रांचे पोस्टर एक एक करत रिलीज करत आहेत. नुकताच या चित्रपटातील अमिताभ बच्चन आणि नागार्जुन यांचा लूक समोर आला आहे. आता करण जोहरने मौनी रॉयचे मोशन पोस्टर शेअर केले आहे.
'ब्रह्मास्त्र' चित्रपटातील मौनी रॉयचा लूक दाखवणारे मोशन पोस्टरही रिलीज करण्यात आले आहे. चित्रपट निर्माता करण जोहरने त्याच्या सोशल मीडिया अकाउंटवर हे पोस्टर शेअर केले आणि लिहिले, करे पाप का नाश'…..एक ऐसी रोशनी जिसमें है…अंधेरे को हराने की शक्ति".
फर्स्ट लूक पोस्टरमध्ये जखमी नागार्जुन रागाने लाल झालेला दिसतोय. तो त्याच्याकडे असलेली ताकद दाखवत आहे. या चित्रपटात अभिनेता अनिशची भूमिका साकारत आहे ज्याच्याकडे नंदी अस्त्र किंवा १००० नंद्यांची शक्ती आहे. भारतीय पौराणिक कथेनुसार, नंदी हा एक बैल आहे, जो भगवान शिवाचे वाहन आहे.
अलीकडेच अयान मुखर्जीने त्याच्या 'ब्रह्मास्त्र' या साय-फाय चित्रपटाचा टीझर रिलीज केला आहे. टीझरमध्ये मौनी आणि रणबीरमध्ये युद्ध सुरू असल्याचे दिसते. मौनी रायची स्टाईलही खूप क्रूर दिसते. रणबीर कपूर रक्ताने माखलेला दिसत आहे, तर आलिया भट्ट खूपच भित्रा दिसत आहे.
