- Epaper
- Home
- राष्ट्रीय
- आंतरराष्ट्रीय
- संपादकीय
- मनोरंजन
- विश्वसंचार
- फीचर्स
- स्पोर्ट्स
- व्हिडिओ गॅलरी
- मुंबई/कोकणमुंबई/कोकण
- पुणे/पश्चिम महाराष्ट्रपुणे/पश्चिम महाराष्ट्र
- मराठवाडामराठवाडा
- उत्तर महाराष्ट्रउत्तर महाराष्ट्र
- विदर्भविदर्भ
पुढारी ऑनलाईन डेस्‍क : "आपली भाषणाची वेळ संदली आहे. आदर्श आचारसंहितेचे पालन करा," अशी सूचना करणार्‍या पोलीस निरीक्षकाला ऑल इंडिया मजलिस-ए-इत्तेहादुल मुस्लीमीन (AIMIM) नेते अकबरुद्दीन ओवेसी (Akbaruddin Owaisi) उघड धमकीच दिली. मला थांबवण्याची हिंमत करणारा अजून जन्‍माला आलेला नाही. माझा एक इशारा तुम्हाला तेथून हाकलण्यासाठी पुरेसा ठरेल, असे अत्यंत उद्धटपणे त्‍यांनी पोलीस निरीक्षकांना सुनावले. हैदराबादच्या ललिताबागमध्ये आयाेजित जाहीर सभेत ते बोलत हाेते.
तेलंगणामध्‍ये विधानसभा निवडणुकीची रणधुमाळी शिगेला पोहचली आहे. अकबरुद्दीन ओवेसी हे हैदराबादच्या ललिताबागमध्ये जाहीर सभेत बोलत होते. नियमानुसार त्यांच्या भाषणाची वेळ संपली. नियम सांगण्‍यासाठी संतोषनगर येथील पोलिस निरीक्षक घटनास्थळी पोहोचले. त्‍यांनी आपली भाषणाची वेळ संदली आहे. आदर्श आचारसंहितेचे पालन करा, अशी सूचना केली. यावर अकबरुद्दीन ओवेसी यांना संताप अनावर झाला. त्‍यांनी सूचनाचे पालन करण्‍यास सांगणार्‍या पोलीस निरीक्षकालाच उघडपणे धमकी दिली.
यावेळी अकबरुद्दीन ओवेसी म्हणाले की, "चाकू आणि गोळ्यांचा सामना करून मी अशक्त झालो असे वाटते का? माझ्यात अजून खूप हिंमत आहे. अजून पाच मिनिटे बाकी आहेत मी पाच मिनिटे बोलेन. मला थांबवण्याची हिंमत करणारा अजून जन्‍माला आलेला नाही. माझ्याकडे माझे घड्याळ आहे, तुम्‍ही येथून चालते व्‍हा. तुम्‍ही येथून गेला नाही तर माझा समर्थकांना केलेला एक इशारा तुम्हाला येथून हाकलण्यासाठी पुरेसा ठरेल." पोलीस निरीक्षकांना धमकी दिल्‍यानंतर त्‍यांनी समर्थकांना विचारणा करुन ते म्हणाले की, मी बरोबर बोलत आहेत ना ? मी सिग्नल दिला तर तुम्हाला इथून पळून जावे लागेल, आम्ही त्यांना पळायला लावू का? मी तुम्हांला सांगतोय की हे लोक आम्हाला कमकुवत करण्यासाठी असे येतात.", असे प्रक्षोभक विधानही त्‍यांनी केले. ( AIMIM leader Akbaruddin Owaisi )
अकबरुद्दीन ओवेसी 'एआयएमआयएम'चे सर्वात श्रीमंत उमेदवार आहेत. ते चंद्रयानगुट्टा मतदारसंघातून निवडणूक लढवत आहेत.त्‍यांनी निवडणूक लढविण्‍यासाठी सादर केलेल्‍या प्रतिज्ञापत्रानुसार, त्‍यांच्‍याकडे ४.५० कोटी रुपयांची स्‍थावर मालमत्ता आहे. तर त्यांच्या पत्नीकडे 4.95 कोटी रुपयांची मालमत्ता आहे. अकबरुद्दीन ओवेसी यांच्‍यावर विविध गुन्‍ह्यांबाबत चार गुन्‍हेही दाखल आहेत.
हेही वाचा :
