BJP leaders : भाजप नेत्यांविरोधात सत्र न्यायालयात याचिका; फुले,आंबेडकरांविरोधात आक्षेपार्ह वक्तव्य
मुंबई : पुढारी वृत्तसेवा; भारतीय राज्यघटनेचे शिल्पकार डॉ. बाबासाहेब आंबेडकर आणि समाजसुधारक महात्मा फुले यांच्याबद्दल आक्षेपार्ह वक्तव्य (BJP leaders) केल्याप्रकरणी भाजपाचे उच्च शिक्षण मंत्री चंद्रकांत पाटील, गृहमंत्री देवेंद्र फडणवीस, तसेच आमदार राम कदमांसह मुंबई पोलीस आयुक्तांविरोधात अॅट्रॉसिटी कायद्याअंतर्गत गुन्हा दाखल करा, अशी मागणी करणारी याचिका सत्र न्यायालयात दाखल करण्यात आली आहे. भीम आर्मी राष्ट्रीय महासचिव अशोक कांबळे यांनी अॅड. नितीन सातपुते यांच्या मार्फत दाखल केलेल्या याचिकेवर विशेष न्यायाधीश ए. पी. कनाडे यांच्यासमोर २० जानेवारीला सुनावणी होण्याची शक्यता आहे.
९ डिसेंबर रोजी औरंगाबाद येथे एका कार्यक्रमात उच्च व तंत्रशिक्षण मंत्री चंद्रकांत पाटील, आंबेडकर आणि फुले यांनी शैक्षणिक संस्था चालवण्यासाठी सरकारी अनुदान मागितले नाही तर त्यांनी शाळा आणि महाविद्यालये सुरू करण्यासाठी निधी गोळा करण्यासाठी लोकांकडे भीक मागितली, असे वादग्रस्त वक्तव्य केले. त्यांच्याविरोधात अनुसूचित जाती आणि अनुसूचित जमाती कायदा आणि भादंवि कलम १५३, १५३ (अ) च्या तरतुदींखाली, १२०ब ५०४ इत्यादी कलामतंर्गत खटला चालविण्याची मागणी याचिकेत करण्यात आली आहे. याचिकेत पाटील यांच्यासह उपमुख्यमंत्री फडणवीस, आमदार राम कदम, मुंबई पोलीस आयुक्त विवेक फणसाळकर यांच्यासह दोन अन्य पोलीस अधिकाऱ्यांच्या नावाचा समावेश आहे.
- Argentina vs France final : मेस्सीबाबत सुपर कॉम्पुटरची भविष्यवाणी खरी ठरणार !… तर ‘हा’ संघ ठरेल फुटबॉल जगज्जेता
- मम्मी, पप्पा मला तुम्ही दोघेही हवे आहात; 4 वर्षांच्या चिमुकलीने जुळवून आणला आई-वडिलांचा संसार
- Bangladesh vs India 1st Test : ‘या’ बांगलादेशी फलंदाजाने भारताविरुद्ध रचला इतिहास; पदार्पणातच झळकावले शतक
- Bangladesh vs India 1st Test : ‘या’ बांगलादेशी फलंदाजाने भारताविरुद्ध रचला इतिहास; पदार्पणातच झळकावले शतक
- Argentina Coach : कोण आहेत अर्जेंटीनाचे प्रशिक्षक स्केलोनी? त्यांनी पाठवलेल्या एका ‘मेसेज’ने बदलले संघाचे नशीब