पुढारी ऑनलाइन डेस्क : Detailed Report on PFI केंद्र सरकारने PFI पॉप्यूलर फ्रंट ऑफ इंडियावर 5 वर्षांची बंदी घातली आहे. गेल्या काही दिवसांपासून या संघटनेवर बंदी आणण्याची केंद्र सरकारची योजना होती. अखेर त्याबाबत केंद्र सरकारने घोषणा केली आहे. तत्पूर्वी वेगवेगळ्या छापेमारींमध्ये या संघटनेचे 350 हून अधिक कार्यकर्त्यांना ताब्यात घेण्यात आले आहे. किंवा अटक करण्यात आली आहे. तर पीएफआयसह तिच्या ९ सहयोगी संघटनांवर देखील कारवाई करण्यात आली आहे. पीएफआय सोबत कॅम्पस फ्रंट ऑफ इंडिया (सीएफआय) , रिहैब इंडिया फाउंडेशन (आरआयएफ), ऑल इंडिया इमाम काउंसिल (एआयआयसी), नॅशनल काॅन्फेडरेशन ऑफ ह्यूमन राईट्स ऑर्गनायजेशन (एनसीएचआरओ) , नॅशनल व्हिमेन फ्रंट, ज्यूनियर फ्रंट,एम्पावर इंडिया फाउंडेशन तसेच रिहैब फाउंडेशन (केरळ) या संघटनांवर केंद्राने बंदी घातली आहे.
पीएफआय वर 22 आणि 27 सप्टेंबरला एनआयए, ईडी आणि विविध राज्यांतील पोलिसांनी संयुक्त कारवाई करून देशातील 11 पेक्षा अधिक राज्यांमध्ये छापे घातले या छाप्यांमध्ये 350 हून अधिक कार्यकर्त्यांची धरपकड करण्यात आली. दरम्यान या कारवाईनंतर गृहमंत्री अमित शहा यांनी बैठक घेतली. या बैठकीत राष्ट्रीय सुरक्षा सल्लागार अजित डोवाल यांच्यासह अन्य उच्च अधिकारी देखिल उपस्थित होते.
1992 मध्ये बाबरी मशीद विध्वंसानंतर सुरू झालेल्या तीन मुस्लिम संघटनांच्या विलिनीकरणानंतर PFI 2006 मध्ये केरळमध्ये सुरू करण्यात आले. या तीन संघटना म्हणजे नॅशनल डेव्हलपमेंट फ्रंट ऑफ केरळ, कर्नाटक फोरम फॉर डिग्निटी आणि तमिळनाडूच्या मनिथा नीथी पासारी होय. तसेच बंदी घालण्यात आलेल्या सिमीच्या कार्यकर्तेही नंतर PFI वर बंदी घालत आहेत.
पीएफआय वर भडकाऊ भाषण करणे, तसेच कर्नाटकच्या हिजाब प्रकरण आणि अन्य वेगवेगळ्या प्रकरणांमध्ये PFI वर आरोप ठेवण्यात आले आहेत.
दहशतवादी फंडिंग, प्रशिक्षण शिबिरे आयोजित करणे आणि प्रतिबंधित संघटनांमध्ये सामील होण्यासाठी लोकांना कट्टरपंथी बनवणे यामध्ये सहभाग
केरळमध्ये 4 जुलै 2010 रोजी प्रोफेसर टीजे जोसेफ यांच्या उजव्या हाताचा तळवे कापून पीएफआयचा हात समोर आला. मल्याळी प्रोफेसर जोसेफ यांच्यावर पीएफआयचा राग होता. संघटनेचा असा विश्वास होता की जोसेफने महाविद्यालयीन परीक्षेत प्रेषित मुहम्मद यांच्याबद्दल अपमानास्पद टिप्पणी केली होती. याचा बदला घेण्यासाठी पीएफआय कार्यकर्त्यांनी जोसेफच्या उजव्या हाताचा तळवा कापला. या घटनेतील आरोपींना एनआयएने अटक केली आहे.
गृह मंत्रालयाने जारी केलेल्या अधिसूचनेमध्ये असे म्हटले आहे की, या संघटनेच्या कारवायांचे अनेक पुरावे सापडले आहेत, जे देशातील दहशतवादी कारवायांमध्ये सामील असल्याची पुष्टी करतात. या संघटनेचे सदस्य सीरिया, इराक आणि अफगाणिस्तानमध्ये आयएस या दहशतवादी गटात सामील होण्यासाठी गेले, तेथे अनेकांना मारले गेले. काहींना विविध राज्य पोलीस आणि केंद्रीय यंत्रणांनी अटक केली. जमात-उल-मुजाहिदीन बांगलादेश या दहशतवादी संघटनेशी त्याचे संबंध आहेत. हवाला आणि देणग्यांद्वारे पैसे गोळा करून ही संघटना देशात कट्टरतावाद पसरवत आहे. तरुणांना फसवून ते दहशतवादाकडे ढकलत आहेत.
बाराबंकी येथील पीएफआय नेते मोहम्मद नदीम आणि उत्तर प्रदेशमधील खडरा येथील अहमद बेग नदवी यांच्याकडून सुधारित स्फोटक यंत्र (आयईडी) कसे बनवायचे याचे मार्गदर्शक सापडले. दस्तऐवजाचे शीर्षक 'सहज उपलब्ध सामग्री वापरून IEDs कसे बनवायचे यावरील एक लहान कोर्स' आहे. दस्तऐवजात "मूर्तिपूजकांना जेथे सापडेल तेथे लढा आणि त्यांचा वध करा" असे म्हटले आहे.
पीएफआयवर बंदी घालण्याची मागणी यूपी, कर्नाटक आणि गुजरातच्या सरकारांनी केली होती. कारवाई न झाल्यास काय होईल, असे या राज्यांनी केंद्राला सांगितले होते. केंद्र सरकारचे म्हणणे आहे की जर पीएफआय आणि त्यांच्या संघटनांवर कारवाई केली नाही तर ते त्यांच्या विध्वंसक कारवाया सुरूच ठेवतील. यामुळे सार्वजनिक व्यवस्था बिघडेल आणि राष्ट्राची घटनात्मक रचना कमकुवत होते.
हे ही वाचा :