Jordan Church Shooting: जॉर्डनमधील चर्चमध्ये दोन अज्ञातांचा गोळीबार; ६ जण ठार तर २८ जण जखमी

Jordan Church Shooting: जॉर्डनमधील कराक भागातील चर्चमध्ये एक अंत्यविधी सुरू असताना दोन अज्ञातांनी गोळीबार केला. या गोळीबारात आतापर्यंत ६ लोकांचा जीव गेला आहे तर २८ जण जखमी झाले आहेत. मिळालेल्या सूत्रांकडून अज्ञात हल्लेखोर गाडीतून आले अन् त्यांनी गोळीबार करण्यास सुरूवात केली. प्रत्यक्षदर्शींनी सांगितलं की या हल्लेखोरांनी ५ मनिटे सलग गोळीबार केला. त्यानंतर त्यांनी घटनास्थळावरून पळ काढला.

दुसऱ्या एका प्रत्यक्षदर्शीने सांगितलं की एका हल्लेखोराकडे एके ४७ रायफल होती. हा हल्ला कारक येथील ग्रीक अर्थोडॉक्स चर्चवर झाला. हे ठिकाण जॉर्डनची राजधानी अम्मान पासून १८० किलोमीटर लांब आहे. कराक हे अल्पसंख्यांक ख्रिश्चन समुदायाचे घर मानले जाते.