Afghanistan captured Pak Pilot: पाकिस्तान - अफगाणिस्तान यांच्यातील लष्करी संघर्ष आता वाढला असून दोन्हीकडून एकमेकांवर हल्ले करणे सुरूच आहे. पाकिस्तानने अफगाणिस्तानात पुन्हा एकदा एअर स्ट्राईक केला. मात्र या एअर स्ट्राईकदरम्यान, अफगाणिस्तान तालिबानच्या सैन्याला मोठं यश मिळाल्याचा दावा केला जात आहे.
अफगाण सुरक्षा दलांकडून पाकिस्तानी जेट पाडल्याचा दावा केला जात आहे. पाकिस्तानचे जेट नानगरहर भागात पाडल्याचा दावा करण्यात येत आहे. तसेच अफगाण सैन्यानं पाकिस्तानच्या एका पायलटला देखली जिवंत पकडल्याचा दावा केला आहे.
पाकिस्तान आणि अफगाणिस्तान यांच्यातील लष्करी संघर्षात दोन्ही देशांचे अनेक सैनिक मारले गेले आहेत. पाकिस्ताननं २०० पेक्षा जास्त तालिबानी सैनिक मारल्याचा दवा केला आहे तर अफगाणिस्ताननं पाकिस्तानच्या डझनभर चौक्या ताब्यात घेतल्या असून ५५ पाकिस्तानी सैनिक ठार केल्याचा दावा केला होता. त्यातच अनेक पाकिस्तानी सैनिक हे अफगाणिस्ताननं पकडले असल्याचा दावा देखील तालिबान अफगाणिस्ताननं केला आहे. अफगाणिस्तानने पाकिस्तानचे एफ १६ फायटर जेट देखील पाडल्याचा दावा केला होता. याबाबतचे व्हिडिओ देखील सोशल मीडियावर व्हायरल होत होते.
दरम्यान, पाकिस्तानने अफगाणिस्तानच्या कंदहार, काबुल सारख्या महत्वाच्या ठिकाणी एअर स्ट्राईक करणं सुरूच ठेवलं आहे. मात्र आता अफगाणिस्ताननं पाकिस्तानचं अजून एक फायटर जेट पाडल्याचा आणि पायलटला जिवंत पकडल्याचा दावा केला आहे. हा पाकिस्तानी लष्करासाठी मोठा धक्का असल्याचं मानलं जात आहे.
लष्करी पातळीवर पाहिलं तर पाकिस्तान हा अफगाणिस्तानपेक्षा कित्येक पटीनं सक्षम आणि तांत्रज्ञानाच्या दृष्टीकोणातून बलाढ्य आहे. मात्र अफगाणिस्ताननं या बलाढ्य पाकिस्तानची आतापर्यंत दोन फायटर जेट पाडली असतील तर तो पाकिस्तानसाठी एक मोठा सेटबॅक मानला जात आहे.
