कोरोनाचा नवा स्ट्रेन 'या' देशांमध्ये आढळला : 'डब्ल्यूएचओ'ची माहिती
पुढारी ऑनलाईन डेस्क : कोरोनाचा BA.2.86 नावाचा नवा स्ट्रेन इस्रायल, डेन्मार्क, अमेरिका, ब्रिटन, स्वित्झर्लंड आणि दक्षिण आफ्रिकेत आढळला आहे, असे जागतिक आरोग्य संघटनेच्या (डब्ल्यूएचओ) प्रमुख अधिकाऱ्याने सांगितले. लसीकरण आणि आधीच्या संसर्गापासून जगभरात निर्माण झालेल्या रोगप्रतिकारक शक्तीमुळे गंभीर रोग आणि मृत्यूची विनाशकारी लाट येण्याची शक्यता नाही, असेही ‘डब्ल्यूएचओ’च्या अधिकार्यांनी स्पष्ट केल्याचे वृत्त ‘रॉयटर्स’ने दिले आहे. ( COVID variant )
संशोधकांच्या टीमने एरिसनंतर कोरोनाच्या आणखी एका नवीन प्रकाराबाबत सतर्क केले आहे. यूएस सेंटर फॉर डिसीज कंट्रोल अँड प्रिव्हेंशन (CDC) च्या अहवालानुसार, कोरोनाचा एक नवीन स्ट्रेन, BA.2.86, आढळून आला आहे. इस्रायल, डेन्मार्क आणि अमेरिकेसह अनेक देशांमध्ये प्रकरणे नोंदवली गेली आहेत.
‘डब्ल्यूएचओ’ संशोधकांच्या टीमने सांगितले की हे कोरोनाच्या अत्यंत उत्परिवर्तित आवृत्त्यांपैकी एक असू शकते. सीडीसी तज्ज्ञांनी सांगितले की, आम्ही विषाणूच्या या नवीन स्ट्रेनच्या स्वरूपाचे निरीक्षण करत आहोत. हा अगदी नवीन प्रकार आहे म्हणूनच त्याबद्दल आतापर्यंत जास्त माहिती उपलब्ध नाही. हे समजून घेण्यासाठी संशोधन केले जात आहे. आम्ही आता पूर्वीपेक्षा कोरोनाचे नवीन प्रकार शोधण्यासाठी अधिक तयार आहोत, असे सीडीसीच्या प्रवक्त्या कॅथलिन कॉनली यांनी म्हटले आहे. ( COVID variant )
सध्या पसरत असलेल्या विषाणूच्या ताणापेक्षा हा प्रकार किती धोकादायक असेल याबद्दल काहीही सांगणे सध्या निश्चितच घाईचे ठरणार आहे. BA.2.86 मध्ये ARIS प्रकारापेक्षा जास्त प्रमाणात उत्परिवर्तन असल्याचे म्हटले जाते, ज्यामुळे अलीकडे अनेक देशांमध्ये संसर्ग दरात झपाट्याने वाढ झाली आहे.
डब्ल्यूएचओच्या तांत्रिक आघाडीच्या मारिया व्हॅन केरखोव्ह यांनी BA.2.86 संबंधी सांगितले की, “ही संख्या अजूनही कमी आहे.”BA.2.86 विरुद्ध अद्ययावत COVID-19 लस किती चांगल्या प्रकारे काम करेल याची शास्त्रज्ञ चाचणी करत आहेत. पुन्हा संसर्ग होण्यापेक्षा गंभीर आजार आणि मृत्यू रोखण्यासाठी लस अधिक चांगली आहे.” ( COVID variant )
डॉ. निरव शाह, यू.एस. सेंटर्स फॉर डिसीज कंट्रोल अँड प्रिव्हेन्शनचे प्रमुख उपसंचालक म्हणाले की, गेल्या आठवड्यात नवीन प्रकार पाहिला आठवड्यात शास्त्रज्ञांसोबत बैठका झाल्या. 23 ऑगस्टपर्यंत अशी नऊ प्रकरणे आढळून आली आहेत आणि स्वित्झर्लंडमधील सांडपाण्यातही हे प्रकार आढळून आले आहेत. सध्याच्या चाचण्या आणि औषधे BA.2.86 विरुद्ध प्रभावी आहेत.लसीकरण केलेल्या लोकांमध्ये आणि ज्यांना यापूर्वी कोविड झाला आहे, अशा लोकांमध्ये संसर्ग होण्यास हा प्रकार अधिक सक्षम असू शकतो, असे मूल्यांकनात म्हटले आहे. त्यामुळे अधिक गंभीर आजार होत असल्याचा अद्याप कोणताही पुरावा नसल्याचेही त्यांनी सष्ट केले.
Highly mutated COVID variant found in new countries but pandemic in ‘a different phase’ | Reuters https://t.co/92vGq4ObIR
— Marion Koopmans, virology; emerging infections (@MarionKoopmans) August 25, 2023
हेही वाचा :
- Rainfall Forecast | राज्यातील ‘या’ भागात जोरदार पावसाची शक्यता, IMD ची माहिती
- Parineeti -Raghav | परिणीती चोप्रा-राघव चड्ढा यांनी घेतले महाकालचे दर्शन (व्हिडिओ)