Turkey earthquake update : तुर्कीच्या दुसऱ्या भूकंपात ३ ठार, २०० हून अधिक जखमी
पुढारी ऑनलाईन डेस्क : गेल्या काही दिवसांमध्ये हाहाकार माजवलेल्या भूकंपाने तुर्कस्तान काल (दि. २०) पुन्हा एकदा हादरला आहे. सोमवारी (दि. २०) तुर्कस्तानच्या काही भागांमध्ये पुन्हा एकदा भूकंपाचे (Earthquake) धक्के जाणवले आहेत. रिश्टर स्केलवर त्याची तीव्रता ६.४ इतकी मोजली गेली आहे. लेबनॉन आणि इस्रायल या भागांमध्ये हे भूकंपाचे धक्के जाणवले आहे, अशी प्राथमिक माहिती आहे. स्थानिक वेळेनुसार सोमवारी रात्री ८.३० च्या सुमारास १० सेकंद हे भूकंपाचे धक्के जाणवले. या भूकंपात ३ ठार, २१३ जखमी झाले आहेत. ही संख्या वाढण्याची शक्यता वर्तवली जात आहे. (Turkey earthquake update )
६ फेब्रुवारीच्या पहाटे तुर्कस्तानमध्ये भूकंप झाला. आग्नेय कहारनमारस भागात या भूकंपाचा केंद्रबिंदू होता. ७.८ रिश्टर स्केल इतकी तीव्रता या भूकंपाची होती. तुर्कस्तान आणि शेजारच्या सीरियामध्ये हे भूकंप झाले. अनेक इमारती ढिगाऱ्याखाली दाबले गेल्याचे चित्र दिसून आले. या दुर्घटनेत मृतांचा आकडा ४६ हजारांच्या पुढे गेला आहे. तुर्कस्तान सरकारने कहारनमारस आणि हाताय वगळता सर्व राज्यांमधील बचाव कार्य थांबवले आहे. ‘ऑपरेशन दोस्त’ अंतर्गत भारतातून तुर्कीला पाठवलेली एनडीआरएफची टीमही परत आली आहे.
Turkey earthquake update : बचाव कार्य सुरू
पहिल्या भूकंपाची दाहकता असतानाच तुर्कस्तानमध्ये झालेल्या दुसऱ्या भूकंपाने हादरवलं आहे. यात किमान ३ ठार, २१३ जखमी लोक झाले आहेत. असं एका वृत्तसंस्थेला तुर्कीचे गृहमंत्री सुलेमान सोयलू यांनी सांगितले आहे. सुलेमान सोयलू यांनी असही सांगितलं आहे की, तीन ठिकाणी शोध आणि बचाव कार्य सुरू आहे.
3 killed, 213 injured as two earthquakes shatter lives in Turkey
Read @ANI Story | https://t.co/R3VI9gQ1XG#TurkeyEarthquake #Earthquake #Syria pic.twitter.com/81gU3XeG6G
— ANI Digital (@ani_digital) February 20, 2023
हेही वाचा
- तुर्कीत ‘बालवाडी’च्या उद्धवस्थ इमारतीवर फुगे लावून भूकंपातील मृत बालकांना श्रद्धांजली
- Turkey local Thanks India : ‘गॉड ब्लेस इंडिया’, भूकंपग्रस्त तुर्कीवासीयांनी केली भारताबद्दल कृतज्ञता व्यक्त (पाहा व्हिडिओ)
- Turkey earthquake | तुर्की, सीरियातील भूकंपबळी ४५ हजारांवर, ९ लाखांहून अधिक लोक झाले बेघर
- Turkey Earthquake : तुर्कीच्या भुकंपात घानाच्या फुटबॉलपटूचा मृत्यू