![गोवा : सिलिंडरच्या गॅस गळतीमुळे एकाचा गुदमरून मृत्यू](http://media.assettype.com/pudhari%2Fimport%2Fwp-content%2Fuploads%2F2024%2F05%2F%E0%A4%86%E0%A4%B0%E0%A5%8B%E0%A4%AA%E0%A5%80-%E0%A4%B8%E0%A4%82%E0%A4%97%E0%A4%AE%E0%A5%87%E0%A4%B6-%E0%A4%A4%E0%A5%87%E0%A4%82%E0%A4%A1%E0%A5%81%E0%A4%B2%E0%A4%95%E0%A4%B0-.jpg?w=480&auto=format%2Ccompress&fit=max)
वास्को; दीपक जाधव : फकीर गल्ली-साईनगर येथे घरगुती सिलिंडरमधून गॅस गळती झाल्याने एकाचा गुदमरून मृत्यू झाला, तर तिघांची प्रकृती अस्वस्थ असल्याने त्यांना गोमेकॉत दाखल करण्यात आले आहे.
संजय, धरमवीर, अशोक व अमन अशी त्यांची नावे असून ते मूळ बनारस येथील आहेत. या घटनेत संजयचा मृत्यू झाला असून धरमवीर, अशोक व अमन यांच्यावर गोमेकॉत उपचार सुरू आहेत. पोलिसांनी दिलेल्या माहितीनुसार, रविवारी रात्री जेवण करून चौघेही झोपी गेले होते. सकाळी शेजारील तरूणाने दरवाजा ठोठावत त्यांना उठवण्याचा प्रयत्न केला. मात्र, आतून कोणताही प्रतिसाद न आल्याने दरवाजा फोडण्यात आला. यावेळी चौघेही बेशुद्ध असल्याचे आढळून आले. हे सर्वजण दोन महिन्यांपूर्वी गोव्यात कामानिमित्त आले होते.
हेही वाचा :