![सोशल मीडिया प्लॅटफॉर्म ‘X’ने भारतात केली २ लाखांहून अधिक खाती निलंबित](http://media.assettype.com/pudhari%2Fimport%2Fwp-content%2Fuploads%2F2024%2F04%2F6-1-2.jpg?w=480&auto=format%2Ccompress&fit=max)
पुढारी ऑनलाईन डेस्क : एलॉन मस्क यांच्या सोशल मीडिया प्लॅटफॉर्म Xने (पूर्वीचे Twitte) २६ फेब्रुवारी ते २५ मार्च दरम्यान भारतातील २ लाख १२ हजार ६२७ खाती निलंबित केली आहेत. या सर्व खात्यांनी नियमांचे उल्लंघन केल्याने त्यांच्यावर कारवाई करण्यात आल्याचे मायक्रो-ब्लॉगिंग प्लॅटफॉर्मने स्पष्ट केले आहे.
सोशल मीडिया प्लॅटफॉर्म Xने आपल्या आपला मासिक अनुपालन अहवाल प्रसिद्ध केला आहे. नवीन 'आयटी' नियम, 2021 चे पालन करत कंपनीने 26 फेब्रुवारी ते 25 मार्च दरम्यान भारतातील 213,000 हून अधिक खाती निलंबित केली आहेत. याव्यतिरिक्त, X ने भारतात त्याच्या प्लॅटफॉर्मवर दहशतवादाला प्रोत्साहन देत असलेल्या 1,235 खात्यांवर कारवाई केली आहे. या कालावधीत भारतातील वापरकर्त्यांकडून 5,158 तक्रारी प्राप्त झाल्या होत्या.
"आमच्या प्लॅटफॉर्मवर बाल लैंगिक शोषण आणि दहशतवादाला खतपाणी घालणार्यांवर कारवाई करण्यासंदर्भात मागील काही दिवसांपासून अनेक उपाय आहेत. कंपनी बाल लैंगिक शोषण वैशिष्ट्यीकृत किंवा प्रोत्साहन देणारी कोणतीही मजकूर, फोटो आणि व्हिडिओ सहन करत नाही. अशा प्रकराचे मजकूर, चित्रे किंवा संगणक-व्युत्पन्न प्रतिमा हटविण्यात आल्याचे कंपनीने स्पष्ट केले आहे.
हेही वाचा :