Post Office Scheme: म्युचअल फंड आणि शेअर मार्केटमध्ये गुंतवणूक करणं धोक्याचं वाटतंय... मात्र बँक एफडीतून मिळणारा परतावा फारच कमी वाटतोय... तर तुमच्यासाठी पोस्ट घेऊन आलंय एक भन्नाट स्कीम. पोस्ट ऑफिस मंथली इनकम स्कीम ज्यांना गुंतवणुकीत जास्त जोखीम घ्यायची नाहीये अशांसाठी अत्यंत फलदायी सेव्हिंग स्कीम आहे. या स्कीममधून तुम्हाला प्रत्येक महिन्याला इनकम मिळणार आहे.
सरकारकडून सपोर्ट केली जाणारी ही छोटी सेव्हिंग योजना विशेषकरून निवृत्त लोकांसाठी आणि मार्केटच्या चढ उताराशिवाय गुंतवणूक करू इच्छितात त्यांच्यासाठी आहे. या स्कीममधील जॉईंट पोस्ट ऑफिस mis अकाऊंटमध्ये १५ लाख रूपये गुंतवू शकतात. आता १५ लाख गुंतवल्यानंतर महिन्याला किती रक्कम मिळणार हे जाणून घेऊयात.
पोस्ट ऑफिसच्या सरकारी योजनेअंतर्गत एक व्यक्ती एका अकाऊंटमध्ये जास्तीजास्त ९ लाख रूपये आणि जॉईंट अकाऊंटमध्ये जास्तीजास्त १५ लाख रूपये गुंतवू शकतो. या योजनेअंतर्गत सध्याच्या घडीला प्रत्येक वर्षी ७.४ टक्के व्याजदर मिळतो. याचे पेमेंट प्रत्येक महिन्याला करता येऊ शकते. पोस्टाच्या सर्व MIS अकाऊंटमध्ये एका व्यक्तीची एकूण रक्कम ९ लाख तर जॉईंट अकाऊंटमध्ये १५ लाखापेक्षा जास्त रक्कम असू नये.
जर तुम्ही पोस्ट ऑफिसच्या मंथली सेव्हिंग स्कीममध्ये एकाचवेळी १५ लाख रूपये गुंतवता त्यावेळी तुम्हाला सध्याच्या ७.४ टक्के व्याजदराने महिन्याला १० हजार रूपये मिळू शकतात.
गुंतवणुकीची रक्कम - १५ लाख रूये
प्रत्येक महिन्याचा इनकम - ९,२४९ रूपये
व्याज दराने वर्षाची कमाई - १ लाख ११ हजार रूपये.
या गणितानुसार एक गुंतवणूकदार ५ वर्षात प्रत्येक महिन्याला ९ हजार २५० रूपये मिळवू शकतो. या पाच वर्षात त्याची कमाई ही ५,५५,००० रूपये होणार आहे.
पोस्ट ऑफिस mis खाते उघडल्यानंतर एका वर्षाच्या आत खाते बंद करण्यास मनाई आहे. जर हे अकाऊंट ३ वर्षे पूर्ण होण्यापूर्वी बंद केलं तर डिपॉझिट रक्कमेच्या २ टक्के फी कट केली जाते. उर्वरित रक्कम तुम्हाला परत मिळते.
