PM Kisan Yojana 21st Installment Updates: देशभरातील शेतकऱ्यांसाठी आनंदाची बातमी आहे. प्रधानमंत्री किसान सन्मान निधी योजनेचा 21वा हप्ता लवकरच शेतकऱ्यांच्या खात्यात जमा होणार आहे. मात्र, पैसे वेळेवर यावेत असे वाटत असेल तर आपले स्टेटस तपासा आणि e-KYC प्रक्रिया पूर्ण करा, असा स्पष्ट इशारा केंद्र सरकारने दिला आहे. अन्यथा तुमचा हप्ता थांबू शकतो.
केंद्र सरकार या योजनेअंतर्गत दरवर्षी 6,000 रुपये थेट शेतकऱ्यांच्या बँक खात्यात जमा करते. हे पैसे वर्षभरात तीन हप्त्यांमध्ये दिले जातात. प्रत्येक चार महिन्यांनी 2,000 रुपयांचा हप्ता शेतकऱ्यांच्या खात्यात जमा होतो. आतापर्यंत 20 हप्ते दिले आहेत, आणि आता देशातील लाखो शेतकरी 21व्या हप्त्याची आतुरतेने वाट पाहत आहेत.
पूर्वी दोन हेक्टरपर्यंत जमीन असणाऱ्यांनाच हा लाभ दिला जात होता; परंतु आता जमिनीच्या क्षेत्रफळावर कोणतीही मर्यादा नाही. लहान शेतकरी असो वा मोठा, नाव जमीन अभिलेखात असल्यास सर्वांना या योजनेचा फायदा मिळतो.
माहितीनुसार, नोव्हेंबरच्या पहिल्या पंधरवड्यात, म्हणजेच 15 नोव्हेंबरपर्यंत कधीही 21वा हप्ता जमा होऊ शकतो. अधिकृत तारीख सरकारकडून अद्याप जाहीर झालेली नाही. याआधी 7 ऑक्टोबर रोजी मुख्यमंत्री शिवराजसिंह चौहान यांनी व्हिडिओ कॉन्फरन्सद्वारे जम्मू-काश्मीरमधील 8.5 लाख शेतकऱ्यांच्या खात्यात सव्वाशे कोटी रुपये जमा केले, त्यापैकी 85 हजारांहून अधिक लाभार्थी महिला होत्या.
दरम्यान, बिहारमध्ये आचारसंहिता लागू झाल्याने काहींना वाटले की हप्ता थांबेल. मात्र केंद्र सरकारने स्पष्ट सांगितले की, “पीएम किसान योजनेच्या वितरणात कोणताही अडथळा येणार नाही.” तांत्रिक प्रक्रिया पूर्ण होताच पैसे खात्यात जमा केले जातील.
सर्वप्रथम pmkisan.gov.in ही अधिकृत वेबसाइट उघडा.
त्यानंतर आपला आधार क्रमांक आणि मोबाईल नंबर टाका.
स्टेटस तपासा... जर e-KYC बाकी असेल तर ‘Complete e-KYC’ असा पर्याय दिसेल.
त्यानंतर OTP भरून किंवा फिंगरप्रिंट/चेहरा ओळख देऊन प्रक्रिया पूर्ण करा.
जर तुमच्या गावात CSC केंद्र असेल तर तिथेही ही प्रक्रिया सहज करता येईल. यासाठी आधार कार्ड, बँक पासबुक आणि जमीन कागदपत्रे आवश्यक असतात. एकदा नाव नोंदणी झाल्यावर पुढील सर्व हप्ते आपोआप तुमच्या खात्यात जमा होतात.
योजनेबाबत काही अडचण असल्यास शेतकरी हेल्पलाइन 155261 किंवा 011-24300606 या क्रमांकांवर संपर्क साधू शकतात आणि आपली तक्रार नोंदवू शकतात.
पीएम किसान योजनेचा 21वा हप्ता लवकरच नोव्हेंबरमध्ये शेतकऱ्यांच्या खात्यात येणार आहे.
मात्र, ज्यांनी अद्याप e-KYC पूर्ण केलेले नाही, त्यांनी त्वरित प्रक्रिया पूर्ण करावी, अन्यथा 2,000 रुपयांचा हप्ता थांबू शकतो.
