Gold Price Today
मुंबई: आठवड्याच्या पहिल्याच दिवशी आज सोन्याच्या दरात मोठी पडझड पाहायला मिळाली आहे. जागतिक बाजारपेठेतील घडामोडींचा परिणाम स्थानिक बाजारावर झाला असून, देशातील प्रमुख शहरांमध्ये सोन्याचे दर घसरले आहेत. मुंबईसह दिल्ली आणि पुण्यातही सोन्याचे भाव उतरल्याने ग्राहकांना काहीसा दिलासा मिळाला आहे. राजधानी दिल्लीमध्ये २४-कॅरेट सोन्याचा भाव १० ग्रॅममागे घसरून १,५१,२२० रूपयांवर पोहोचला आहे. तर, मुंबईमध्ये २४-कॅरेट सोन्याचा दर १० ग्रॅममागे कमी होऊन १,५०,९२० रूपये आहे.
गेल्या आठवडाभराचा विचार करता, २४ कॅरेट सोन्याच्या किमतीत प्रति १० ग्रॅम तब्बल २,९६० रुपयांची घसरण झाली आहे. तर २२ कॅरेट सोन्याचे भाव २,८५० रुपयांनी स्वस्त झाले आहेत. आंतरराष्ट्रीय बाजारपेठेत सोन्याचे दर प्रति औंस ४,६२७.६३ डॉलर्सवर पोहोचल्याने ही घसरण पाहायला मिळत असल्याचे तज्ज्ञांचे म्हणणे आहे.
दिल्लीतील सोन्याचा भाव: दिल्लीमध्ये, २४-कॅरेट सोन्याचा भाव १० ग्रॅममागे १,५१,२२० रूपये इतका आहे. २२-कॅरेट सोन्याचा दर १० ग्रॅममागे १,३८,४९० रूपये आहे.
मुंबई आणि कोलकाता: सध्या, मुंबई आणि कोलकाता या शहरांमध्ये २२-कॅरेट सोन्याचा भाव १० ग्रॅममागे १,३८,३४० रूपये आहे, तर २४-कॅरेट सोन्याचा भाव १० ग्रॅममागे १,५०,९२० रूपये आहे.
चेन्नईतील सोन्याचा भाव: २४-कॅरेट सोन्याचा भाव १० ग्रॅममागे १,५२,७२० रूपये आहे. २२-कॅरेट सोन्याचा दर १० ग्रॅममागे १,३९,९९० रूपये आहे.
पुणे आणि बंगळुरू दर: या दोन्ही शहरांमध्ये, २४-कॅरेट सोन्याचा भाव १० ग्रॅममागे १,५०,९२० रूपये आहे आणि २२-कॅरेट सोन्याचा भाव १० ग्रॅममागे १,३८,३४० रूपये आहे.
सोन्यासोबतच चांदीच्या दरातही आज घट झाल्याचे दिसून आले. आज सकाळी चांदीचे दर २,६४,९०० रुपये प्रति किलोवर स्थिरावले आहेत. विशेष म्हणजे, या वर्षाच्या सुरुवातीला (जानेवारी महिन्यात) चांदीने ४ लाख रुपयांचा ऐतिहासिक टप्पा ओलांडला होता. मात्र, गेल्या आठवडाभरात चांदीच्या दरात ५,००० रुपयांची वाढ झाल्यानंतर आज पुन्हा किमतीत थोडी घट झाली आहे. जागतिक स्तरावर चांदी सध्या ७५.९१ डॉलर्स प्रति औंस या दराने व्यवहार करत आहे.
