पुढारी ऑनलाईन डेस्क : उपचारांचा खर्च हा दिवसेंदिवस वाढू लागलेला आहे. हॉस्पिटलमध्ये अॅडमिट होऊन उपचार घेण्यासाठी येणाऱ्या खर्चापासून संरक्षण व्हावे, म्हणून मेडिक्लेम विमा घेतला जातो. पण आता बाह्यउपचारांचा (OPD) खर्चही काही हजारात जाऊ लागल्याने मेडिक्लेम घेताना त्यात OPD कव्हरही घेणे आवश्यक ठरले आहे. बऱ्याच विमा कंपन्या आता मेडिक्लेममध्येच OPD कव्हर देऊ लागल्या आहेत. OPD Mediclaim Cover
ओपीडी याचा अर्थ Out Patient Department यात हॉस्पिटलायझेशनचा समावेश नसतो. ओपीडी कव्हरमध्ये डॉक्टरांची फी, तपासण्या आणि डॉक्टरांनी लिहून दिलेली औषधे यांच्या खर्चाचा समावेश आहे. ओपीडी कव्हर घेताना तिन्ही भागाचा समावेश आहे का नाही, याची खातरजमा करून घ्यावी. काही कंपन्या या तिन्ही घटकांना संरक्षण पुरवतात तर काही कंपन्या औषधांच्या खर्चाला संरक्षण देत नाहीत.
रुग्णालयात भरती होऊन जे उपचार करावे लागतात, त्यासाठी मेडिक्लेम विमा अशी पारंपरिक समज आहे. त्यामुळे ज्या जुन्या मेडिक्लेम पॉलिसी आहेत, त्यात ओपीडीचा कव्हर नसतो. पण ओपीडीसाठी जुन्या पॉलिसींसाठी अॅड ऑन ओपीडी कव्हर घेऊ शकता.
आपण आजारी पडल्यानंतर डॉक्टरांकडे जातो, त्या वेळी डॉक्टरांची फी द्यावी लागते. याला Consultation Fee म्हणतात. काही कंपन्यांनी Consultation वर मर्यादा घातलेली असते. तर काही कंपन्या वर्षांत कितीही Consultationना कव्हर देतात. मोठ्या शहरात Tele Consultation ची पद्धतही वाढलेली आहे, त्याची फी यात कव्हर होते. OPD Mediclaim Cover
काही हजार ते ५० हजार रुपयेपर्यंत OPD कव्हर देणाऱ्या पॉलिसी उपलब्ध आहेत. आपली मूळ मेडिक्लेम पॉलिसी किती रकमेची आहे, त्यावरही हे अवलंबून असते.
हेही वाचा
