उ. प्रदेशमध्‍ये भीषण अपघात : टँकरची रिक्षाला धडक, एकाच कुटुंबातील ९ जण ठार

पुढारी ऑनलाईन डेस्‍क : उत्तर प्रदेशातील फतेहपूर जिल्ह्यात आज (दि.१६)  भीषण अपघात झाला. दुधाच्या टँकरने ऑटोला धडक दिली. या दुर्घटनेत एकच कुटुंबातील ९ जणांचा मृत्‍यू झाला आहे. दोन जण गंभीर जखमी झाले आहेत. मृतांमध्ये दोन महिला आणि दोन मुलांचा समावेश आहे.

कानपूर देहाटमधील मूसानगर येथील रिक्षाचालक आपल्‍या कुटुंबासह मूसानगर येथून जहानाबाद येथे नातेवाइकांच्या घरी जात हाेते. जहानाबादमधील एका वळणावर दुधाच्‍या टँकरने रिक्षाला धडक दिली.  रिक्षातील १४ पैकी ९ जणांचा जागीच मृत्‍यू झाला.

अपघाताची माहिती मिळताच संबंधित पोलीस ठाण्याचे पोलीस घटनास्थळी दाखल झाले. घटनास्थळी प्रचंड गर्दी झाली हाेती. गंभीर जखमींना रुग्‍णालयात दाखल करण्‍यात आले आहे.

हेही वाचा : 

• The Kerala Story : प्रेक्षकांअभावी 'दि केरला स्टोरी'चे प्रदर्शन बंद; तामिळनाडू सरकारचे सर्वोच्च न्यायालयात प्रतिज्ञापत्र
• Temperature Increases : देशात उष्णतेची लाट नाही, पण 'या' भागातील तापमान वाढणार ; IMD दिल्लीचा इशारा
• पश्‍चिम बंगालमधील पूर्व मेदिनीपूरमध्‍ये फटाका कारखान्‍यात स्‍फोट, तीन ठार; भाजपने केली 'एनआयए' तपासाची मागणी