बेळगाव : परशराम घाडी, चंद्रकला घाडी यांचा देहदानाचा संकल्प

बेळगाव: पुढारी वृत्तसेवा : आनंदनगर, वडगाव येथील परशराम घाडी व चंद्रकला घाडी या दाम्पत्याने मरणोत्तर देहदान, नेत्रदान व त्वचा दानाचा संकल्प सोडला आहे. परशराम घाडी हे बेळगाव शहरातील विविध संस्थेत कार्यरत आहेत. एक यशस्वी विमा एजंट म्हणूनही ते ओळखले जातात. सध्या ते विमा सल्लागार म्हणून काम पाहत आहेत. सामाजिक बांधिलकी जपत त्यांनी हा कौतुकास्पद निर्णय जायंट्स आय फाऊंडेशनच्या सहकार्याने घेतला आहे.

याकामी त्यांना जायंट्स आय फाऊंडेशनचे अध्यक्ष शिवराज पाटील यांनी मार्गदर्शन व सहकार्य केले. नूतन वर्षात घाडी दाम्पत्याने घेतलेल्या या निर्णयाचे सर्वत्र कौतुक होत आहे.

हेही वाचलंत का ? 

• बाहेरच्या लोकांनी नगरमध्ये येऊन नाव बदलण्याची भूमिका मांडणं चुकीचं: राधाकृष्ण विखे पाटील
• Virat Kohli : विराट कोहली रचू शकतो इतिहास, मोडणार सचिन तेंडुलकरचा महाविक्रम!
• भाजप मिशन २०२४ : जानेवारी महिन्यात अमित शहा करणार ११ राज्यांचा दौरा (BJP Mission 2024)