बेळगाव
कर्नाटक : बंगळुरात युवतीवर अॅसिड हल्ला
बंगळूर, पुढारी वृत्तसेवा : प्रेमास नकार देणार्या युवतीवर अॅसिड हल्ला करण्यात आला. यामध्ये ती गंभीर जखमी झाल्याची घटना येथील सुंकदकट्टी बस स्थानकानजीक गुरुवारी सकाळी साडेआठच्या सुमारास घडली. अॅसिड हल्ला केल्यानंतर संशयित नागेश (वय 27) फरारी झाला.
या घटनेत युवतीचा गळा, पाठ आणि डोक्यावर गंभीर जखमा झाल्या आहेत. ती सुमारे 50 टक्के भाजल्याचे डॉक्टरांनी सांगितले. संबंधित युवती एम.कॉम. झाली आहे. नऊ महिन्यांपूर्वी ती येथील एका खासगी कंपनीत नोकरीला लागली होती. याआधी ती नागेशसोबत दुसर्या कंपनीत काम करत होती. तेथे त्यांचे प्रेम जुळले होते. त्यानंतर त्यांच्यात अचानक फूट पडली. त्यानंतर तो तिला धमकावत होता.
