पुढारी ऑनलाईन डेस्क
भारतीय क्रिकेट नियामक मंडळाचे अध्यक्ष सौरव गांगुली यांनी नुकताच त्यांचा सर्वकालीन आवडता संघ ( Sourav Ganguly Team) निवडला आहे; पण आश्चर्याची गोष्ट म्हणजे भारताचा माजी कर्णधार सौरव गांगुली यांच्या या संघात केवळ दोन भारतीय खेळाडूंना स्थान मिळाले आहे. दुसरीकडे, गांगुली यांनी ऑस्ट्रेलियातील अनेक खेळाडूंचा आपल्या संघात समावेश केला आहे. विराट कोहली, रोहित शर्मा आणि महेंद्रसिंग धोनीसारखे मोठे खेळाडूही दादांच्या संघात स्थान मिळवू शकले नाहीत.
भारताचा माजी कर्णधार सौरव गांगुली यांनी टीम इंडियाच्या दोन माजी क्रिकेटपटूंचा त्याच्या ऑल टाइम फेव्हरेट टीममध्ये ( Sourav Ganguly Team) समावेश केला आहे. ज्यामध्ये भारताचा महान फलंदाज सचिन तेंडुलकर आणि टीम इंडियाचे सध्याचे प्रशिक्षक राहुल द्रविड यांचा समावेश आहे. सौरव गांगुली यांच्यानंतर राहुल द्रविड टीम इंडियाचे कर्णधार झाले. हे तिन्ही क्रिकेटपटू टीम इंडियासाठी दीर्घकाळ एकत्र क्रिकेट खेळले आहेत.
भारताचा माजी कर्णधार सौरव गांगुली यांनी या संघात ऑस्ट्रेलियातील सर्वाधिक ४ खेळाडूंना स्थान दिले आहे. ज्यामध्ये ऑस्ट्रेलियाचा माजी सलामीवीर मॅथ्यू हेडन, माजी कर्णधार रिकी पाँटिंग, जगातील सर्वोत्तम फिरकी गोलंदाज शेन वॉर्न आणि माजी वेगवान गोलंदाज ग्लेन मॅकग्रा. तर सौरव गांगुली यांनी दक्षिण आफ्रिकेच्या दोन खेळाडूंचा संघात समावेश केला आहे. ज्यामध्ये त्याने जॅक कॅलिस आणि वेगवान गोलंदाज डेल स्टेनची जागा घेतली आहे.
गांगुली यांनी श्रीलंकेच्या कुमार संगकारा आणि मुथय्या मुरलीधरन यांचाही आपल्या सर्वकालीन आवडत्या संघात समावेश केला आहे. दुसरीकडे, इंग्लंडचा माजी क्रिकेटपटू अॅलिस्टर कुकही दादांच्या संघात स्थान मिळवण्यात यशस्वी ठरला आहे. आश्चर्य म्हणजे बांगलादेश, पाकिस्तान आणि न्यूझीलंडमधील एकाही क्रिकेटपटूला दादांनी आपल्या संघात ठेवले नाही. सौरव गांगुली यांनी भारताचा नवनियुक्त एकदिवसीय कर्णधार रोहित शर्मा आणि कसोटी कर्णधार विराट कोहलीला त्याच्या सर्वकालीन आवडत्या प्लेइंग इलेव्हनमध्ये समाविष्ट न करून सर्व दिग्गजांना आश्चर्यचकित केले आहे. त्यांनी भारताचा माजी कर्णधार एमएस धोनीलाही आपल्या संघात स्थान दिलेले नाही.
सौरभ गांगुली यांचा संघ असा : मॅथ्यू हेडन (ऑस्ट्रेलिया), ॲलिस्टर कुक (इंग्लंड), राहुल द्रविड (भारत), सचिन तेंडुलकर (भारत), जॅक कॅलिस (दक्षिण आफ्रिका), रिकी पाँटिंग (ऑस्ट्रेलिया), कुमार संगकारा (श्रीलंका), शेन वॉर्न (ऑस्ट्रेलिया) ), डेल स्टेन (दक्षिण आफ्रिका), मुथय्या मुरलीधरन (श्रीलंका) आणि ग्लेन मॅकग्रा (ऑस्ट्रेलिया).
हेही वाचलं का?