पुढारी ऑनलाईन डेस्क : अभिनेत्री अपेक्षा पोरवाल हिच्या "अनदेखी" मधील तिच्या अभिनयाने सगळ्यांची मने जिंकली. (Undekhi) तिच्या अभिनयाचे कौतुक देखील झाले. सोबत तिच्या 'द स्लेव्ह मार्केट' या तिच्या अरबी वेब सीरिजसाठी तिला प्रेक्षकांनी भरभरून प्रेम दिलं आहे. म्हणून यंदाच वर्ष नक्कीच उत्साहवर्धक ठरलं आहे. (Undekhi)
अलीकडेच IMDB ने आताच्या टॉप ५० सर्वात लोकप्रिय भारतीय मालिकांची यादी लाँच केली आणि यात "अनदेखी" २० व्या क्रमांकावर आहे. ती म्हणते, "ही बातमी ऐकून मला आनंद झाला आहे." अनदेखी हा माझा डेब्यू प्रोजेक्ट होता आणि तो अगदी तीन वर्षांपूर्वी रिलीज झाला असला तरी, तो आतापर्यंतच्या सर्वात लोकप्रिय भारतीय मालिकांच्या यादीत आहे याचा आनंद आहे. अनदेखी ला इतके प्रेम दिल्याबद्दल प्रेक्षकांचे आभार."
एक कलाकार म्हणून, अपेक्षाने स्वत: च वेगळं स्थान निर्माण केलं आहे. लोकप्रिय अरबी मालिकेत भूमिका करणारी ही पहिली भारतीय अभिनेत्री ठरली. अवघ्या तीन वर्षांत तिने ही महत्त्वपूर्ण भूमिका बजावली. अनेक उत्तोत्तम प्रोजेक्ट्स ती करणार असून अबु धाबीमधील "द स्लेव्ह मार्केट २" च्या आगामी सीझनमध्ये ती दिसणार आहे. तिच्या या प्रोजेक्टसाठी सगळेच वाट बघत आहेत.