Uttar Pradesh Election : अखिलेश यांनी जाहीर केला ‘सपा’चा जाहीरनामा

लखनऊ; पुढारी ऑनलाईन : उत्तरप्रदेश निवडणुकीच्या ( Uttar Pradesh Election ) पार्श्वभूमीवर समाजवादी पक्षाने मंगळवारी पक्षाच्या जाहीरनाम्याची घोषणा केली. अखिलेश यादव ( Akhilesh Yadav ) यांनी पत्रकार परिषदेमध्ये जाहीरनाम्यात केलेल्या अनेक आश्वासनांची माहिती दिली. अखिलेश यादव यांनी समाजवादी पक्षाच्या जाहीरनाम्याद्वारे अनेक गोष्टी देणार असल्याचे म्हटले आहे. यावेळी त्यांनी मोफत पेट्रोल, गॅस सिलिंडर आणि वीज मोफत देण्याची मोठी घोषणा केली आहे.

• मोदींनी १५ लाख खात्यात पाठवले म्हणून घर बांधून रिकामा झाला आणि ४ महिन्यांनी उलघडा होताच..

उत्तर प्रदेशमधील ( Uttar Pradesh Election ) निवडणुकीच्या पार्श्वभूमीवर अनेक राजकीय पक्ष आपले जाहीरनाम्यांची घोषणा करत आहेत. यामध्ये मतदारांना आकर्षित करण्यासाठी विविध गोष्टींची प्रलोभने देत अनेक जीवनावश्यक गोष्टी मोफत अथवा सवलतीत देण्याची आश्वासने सर्वच पक्षांकडून दिली जात आहेत. काँग्रेसने देखिल आपला जाहीरनामा प्रसिद्ध केला आहे. काँग्रेसने शेतकऱ्यांना कर्जमाफी देण्यासह अनेक मोठ्या घोषणा केल्या आहेत.

• खासदार, आमदारांवरील प्रलंबित खटलांसाठी विशेष न्यायालय स्थापनेची मागणी

समाजवादी पक्षाने देखिल जाहीरनाम्याच्या माध्यामतून मतदारांना मोठमोठी आश्वासने दिली आहेत. अखिलेश यांनी मुलींसाठी केजी टू पीजी पर्यंत शिक्षण मोफत देण्यासह उत्तरप्रदेशमधील सर्व जिल्ह्यांमध्ये समाजवादी कॅन्टीनच्या माध्यमातून १० रुपयांमध्ये जेवण देण्याची घोषणा केली. तसेच सर्व गरीब कुटुंबांना महिन्यातून दोन गॅस सिलिंडर मोफत देण्यासह महिन्यातून एकदा दुचाकी मालकांना १ लिटर पेट्रोल तर चारचाकीसाठी ३ लिटर पेट्रोल देण्याचे आश्वासन दिले आहे. शिवाय शेतकऱ्यांना मोफत वीज देण्याची घोषणा देखिल जाहीरनाम्यात केली आहे.

• भाजपभोवती शेतकरी आंदोलनाचा फास

समाजवादी पक्षाचा जाहीरनाम्याती आश्वासने ( Uttar Pradesh Election )

• सरकारी कार्यालयात ११ लाख पदे रिक्त, ती त्वरीत भरण्यात येणार
• आयटी क्षेत्रात २२ लाख नोकऱ्या देणार
• लवकरच सेनेतील भरती प्रक्रीया सुरु करणार
• पोलिसांना आठवड्यातून एक दिवस सुट्टी देणार
• पोलिसकर्मचाऱ्यांना त्यांच्या निवासाजवळील पोस्टींग दिली जाणार
• शिक्षण मित्रांना तीन सालानंतर कायम करुन घेणार
• महिला शिक्षिकांना पोस्टींग दरम्यान पर्याय दिले जाणार
• पोलिस खात्यात महिलांना ३३ % प्रतिनिधीत्व दिले जाणार
• गरीब महिलांना प्रसुतीवेळी १५००० रुपये दिले जाणार
• कंत्राटी शिक्षकांना कायम केले जाणार
• एकावर्षाच्या आत शिक्षण विभागातील सर्व रिक्त पदे भरली जाणार
• २०२७ पर्यंत २ कोटी रोजगारांची निर्मिती केली जाणार
• सर्व गावे आणि शहरांमध्ये मोफत वायफाय क्षेत्र बनवली जाणार
• उद्योगांसाठी एका छताखाली सर्व परवाने देण्याची व्यवस्था निर्माण केली जाणार
• संपूर्ण उत्तर भारतात २४ तास वीज पुरवली जाणार
• समाजवादी थाळीच्या नावाने १० रुपयांमध्ये जेवण दिले जाणार
• गरीबांना १८००० रुपये वार्षिक पेंशन दिली जाणार
• समाजवादी पेंशन योजना पुन्हा सुरु केली जाणार
• मुलींना केजी टू पीजी मोफत शिक्षण दिले जाणार
• सरकारी नोकऱ्यांमध्ये महिलांना ३३ टक्के आरक्षण
• कॅशलेस आरोग्य यंत्रणा उभारली जाणार
• महिलांना ईमेल अथवा व्हाटसअप वरुन एफआरआय रजिस्ट्रेशन करता येणार
• सर्व गरीबांना प्रत्येक महिन्याला २ सिलिंडर मोफत देले जाणार
• सर्व पिके MSP च्या अंतर्गत आणली जाणार
• २०२५ पर्यंत शेतकऱ्यांची सर्व कर्जे माफ केली जाणार
• सर्व शेतकऱ्यांना सिंचनासाठी मोफत वीज दिली जाणार
• शेतकरी आंदोलनात शहीद झालेल्या शेतकऱ्यांना २५ लाख रुपये देण्यात येणार