नवी दिल्ली ; पुढारी ऑनलाईन: जम्मू-काश्मीरमधील सोपोर जिल्ह्यात लष्कर-ए-ताेयबाच्या दहशतवाद्याला पकडण्यात पोलिसांनी यश आले. अटक करण्यात आलेल्या दहशतवाद्याचे नाव फिरदौस अहमद वानी (रा. चेक सेरी पट्टन) असे त्याचे नाव आहे. त्याच्याजवळ एक एके ४७, ५६ मॅगझिन आणि 30 जिवंत काडतुसे (राउंड) जप्त करण्यात आली.
मिळालेल्या माहितीनुसार, जम्मू-काश्मीरमधील सोपोर पोलिसांनी उपविभाग रफियााबादच्या नदीहाल भागात ३२ आरआर आणि ९२ बीएन सीआरपीएफसह एक संयुक्त सीएएसओ मोहिम सुरू केली होती. या शोध मोहिमेदरम्यान एका दहशतवाद्याला पकडण्यात यश आले.
अटक करण्यात आलेल्या व्यक्तीने प्राथमिक चौकशीदरम्यान लष्कर-ए-ताेयबाचा साथीदार असल्याची माहिती दिली. याच दरम्यान १ एके, ५६ मॅगझिन आणि ३० जिवंत काडतुसे (राउंड) पोलिसांनी जप्त केले.
हेही वाचलंत का?