इटकरे: पुढारी वृत्तसेवा
वाळवा तालुक्यातील येलूर येथे गव्याने केलेल्या हल्ल्यात दोॆघे जण गंभीर जखमी झाले आहेत. ही घटना गुरुवारी सकाळी पुणे- बंगळूर राष्ट्रीय महामार्गलगत असलेल्या घोल शिवार परिसरात घडली.
शिवाजी परसू कुभार (वय ४५), प्रा. सूर्यकांत बाळासाहेब जाधव (वय ३२, दोघे रा. येलूर) अशी या हल्ल्यात जखमी झालेल्यांची नावे आहेत. याबाबत घटनास्थळावरुन मिळालेली माहिती अशी, शिवाजी कुंभार व त्यांची पत्नी आज सकाळी शेतात खोडवी गोळा करण्यासाठी गेले होते. त्यावेळी उसाच्या फडातून येवून गव्याने शिवाजी यांना धडक मारली. यामध्ये ते गंभीर जखमी झाले. त्यांना इस्लामपूर येथील खासगी दवाखान्यात दाखल करण्यात आले आहे.