खोपोली; पुढारी वृत्तसेवा : मुंबई-पुणे एक्स्प्रेसवेवर आज (दि. 27) सकाळी खोपोली एक्झिट जवळ 13 वाहने एकमेकांवर आदळली. अपघातग्रस्त वाहनांमध्ये कार, ट्रक यांचा समावेश असून यामधील वाहनांचे मोठ्या प्रमाणावर नुकसान झाले आहे. या अपघातात 6 जण गंभीर जखमी झाले आहेत. तर काही जण किरकोळ जखमी झाले. जखमींना खोपोली येथील पालिका रुग्णालयात दाखल करण्यात आले आहे.
मुंबईकडे येणाऱ्या लेनवरील खोपीलीजवळील एक्झिट जवळ अपघात झाला आहे. या अपघातामुळे मुंबईकडे येणारी वाहतूक पूर्णपणे ठप्प झाली होती. बोरघाट पोलीस, देवदूत यंत्रणा, आयआरबीची टीम अपघातग्रस्तांच्या मदतीसाठी घटनास्थळी तातडीने दाखल होत मदतकार्य सुरु केले. अनेक वाहनांचे या अपघातात मोठ्या प्रमाणात नुकसान झाले. काहीजण गंभीर जखमी झाल्याची माहिती देखील मिळत आहे. एक्स्प्रेसवे दुरुस्तीच्या कामासाठी बंद करण्यात आला होता. त्यादरम्यान, काही गाड्यांचे ब्रेक फेल झाले आणि त्या एकमेकांवर आदळल्या. यामध्ये दोन ट्रक आणि 11 गाड्यांची एकमेकांना जोरदार धडक बसली आहे. या अपघातात कोणतीही जीवितहानी झालेली नाही.
हेही वाचा :