पुणे : पुढारी वृत्तसेवा : कसबा विधानसभा पोटनिवडणुकीसाठी आज (दि.२६) सायंकाळी ४ वाजून ५५ मिनिटांनी खासदार गिरीश बापट यांनी व्हीलचेअरवरून मतदान केंद्रावर हजेरी लावत आपला मतदानाचा हक्क बजावला.
खासदार गिरीश बापट गेल्या अनेक दिवसांपासून आजारी आहेत. आज व्हीलचेअरवर बसून बापट आपल्या कार्यकर्त्यांसह अहिल्यादेवी शाळेतील मतदान केंद्रावर हजर झाले. त्यांना पाहण्यासाठी कार्यकर्त्यांनी मतदान केंद्राबाहेर मोठी गर्दी झाली होती. पोलिसांचा मोठा फौजफाटा ठेवण्यात आला होता.
व्हीलचेअरवर बसून सोबतीला ऑक्सिजन सिलेंडर घेऊन खासदार बापट यांना त्यांच्या कार्यकर्त्यांनी मतदान केंद्रावर आणले. अशा कठीण परिस्थितीत देखील बापट यांनी राष्ट्रीय कर्तव्य असलेला मतदानाचा हक्क बजावला.
हेही वाचा :