Pune Graduate Constituency Election: पुणे पदवीधर निवडणूक: डॉ. स्मिताताई जाधव यांना व्यापारी आणि पदवीधरांचा पाठिंबा

व्यापारी वर्ग आणि पदवीधरांचे प्रश्न एकमेकांशी निगडित आहेत. व्यापार क्षेत्रात उच्चशिक्षित तरुणांचा सहभाग वाढत असून, त्यांच्यासाठी रोजगार, स्वयंरोजगार, व्यवसायवृद्धी आणि आधुनिक तंत्रज्ञानाशी संबंधित संधी निर्माण होणे गरजेचे आहे. त्याचबरोबर व्यापाऱ्यांना भेडसावणाऱ्या विविध अडचणी शासनदरबारी प्रभावीपणे मांडल्या जाण्याची अपेक्षा आहे. डॉ. स्मिताताई जाधव यांच्या शैक्षणिक आणि प्रशासकीय अनुभवाचा या दोन्ही घटकांचे प्रश्न सोडविण्यासाठी उपयोग होईल, असा विश्वास व्यापारी वर्गाला आहे. डॉ. स्मिताताई जाधव यांना पदवीधर मतदार भरघोष मतांनी निवडून देत विधानपरिषदेवर पाठवेल यात शंका नाही. व्यापारी वर्ग त्यांना निवडून आणण्यात आघाडीवर असेल.

व्यापार क्षेत्रात उच्चशिक्षित तरुणांचा सहभाग दिवसेंदिवस वाढत आहे. नव्याने व्यवसायात उतरणाऱ्या तरुणांना भांडवल, आधुनिक तंत्रज्ञान, डिजिटल व्यापार, कौशल्यविकास आणि व्यवसायवृद्धीच्या संधी उपलब्ध होणे आवश्यक आहे. या पार्श्वभूमीवर तरुण व्यापाऱ्यांसाठी पक्षाच्या माध्यमातून भविष्यात स्वतंत्र योजना राबविण्यासाठी प्रयत्न केले जातील. पुणे पदवीधर मतदारसंघात ३५० पदवीधरांची मतदार नोंदणी करण्यासाठी विशेष लक्ष घालून पुढाकार घेतला. पदवीधरांचे शिक्षण व रोजगाराशी संबंधित प्रश्न आणि व्यापाऱ्यांच्या व्यावसायिक अडचणी यांचा परस्पर संबंध आहे. त्यामुळे या दोन्ही घटकांचे प्रश्न एकत्रितपणे विधानपरिषदेत मांडण्यासाठी डॉ. स्मिताताई जाधव याच पर्याय आहेत. त्यांमार्फत तरुण उद्योजकांना प्रोत्साहन देण्यासाठी शासनाच्या विविध योजनांचा लाभ मिळवून देण्यावरही भर देण्यात येईल.