देहूरोड : पुढारी वृत्तसेवा मारहाण करणार्‍या पतीचा पत्‍नीच्‍या नातेवाईकांनी खून केल्‍याचा प्रकार उघडकीस आला आहे. आकाश अशोक गोरखे ( वय २८, रा. दत्त मंदिरामागे, शिवाजीनगर, देहूरोड) असे खून झालेल्या तरुणाचे नाव आहे. याप्रकरणी तिघा जणांना पोलिसांनी अटक केली आहे.
सोनी उमेश जेगरे ( वय ३१ ), ज्योती अक्षय गोरखे ( वय १९, दोघे रा. दत्त मंदिराच्या मागे, शिवाजीनगर ), रवि धनु राठोड (मोरे सायकल स्टँड च्या मागे, राजीव गांधी नगर ), अक्षय लोंढे ( रा. जाधव वाडी चिखली ), राम विजय महोतो (रा. पटना बिहार ) आणि साहिल ( पूर्ण नाव पत्ता माहित नाही ) अशी अटक केलेल्‍या संशयित आरोपींची नावे आहेत.
आकाश आपली पत्नी ज्योती हिला रोज मारहाण करीत असे. त्याचा नातेवाईकांना राग होता. ३० जानेवारी रोजी अक्षय राम साहिल व रवी यांनी आकाश याला सोबत नेले होते. देहूगाव कमानीपासून अज्ञात ठिकाणी घेऊन गेले. यांनी त्याचा खून करून मृतदेहाची विल्हेवाट लावली, असे पाेलिस तपासात स्‍पष्‍ट झाले.
हेही वाचलं का?