राहुल हातोले
पिंपरी : पिंपरी-चिंचवड शहरात 2013 मध्ये आकुर्डीमध्ये अप्पर तहसील कार्यालय सुरू करण्यात आले. गेली नऊ वर्ष झाले तरीही अद्याप देखील जुने सात बारा उतारे, फेरफार उतारे व इतर संबंधित जुनी महसुली कागदपत्रे शहरातील जनतेला अप्पर तहसील कार्यालयात मिळत नाहीत.
यासर्वांमध्ये आर्थिक तोटा सहन करावा लागत आहे. तसेच कार्यालयात पार्किंगची व्यवस्था नसल्याने रस्त्याच्या कडेला पार्क केलेली दुचाकी दोन वेळा वाहतूक विभागाने उचलून नेली. एकतर ज्या कामासाठी हेलपाटे मारतोय ते पूर्ण होत नाही आणि दुसरीकडे वाहतूक विभागाला दंड भरण्याचा त्रास सोसावा लागतोय.
त्यामुळे शहरातच ही कागदपत्रे मिळतील याची सोय शासनाने करावी.यासाठी स्वारगेट येथील खडकमाळ कार्यालयात हेलपाटे मारावे लागतात. चार ते पाच फेर्या मारूनही वेळेवर कागदपत्रे मिळत नसल्याच्या तक्रारी नागरिक करीत आहेत. त्यासोबतच खडकमाळ कार्यालयात गेल्यावर पाकिर्ंंग अभावी नागरिकांना वाहने रस्त्यावर पार्क करावी लागत आहेत.
मात्र, वाहतूक विभागाची कारवाई होत असल्याने नागरिकांना नाहक दंड भरावा लागत आहे. यासर्व मानसिक आणि आर्थिक त्रासाला नागरिक कंटाळले आहेत. म्हणून सर्व जुनी कागदपत्रे अप्पर तहसीलदार कार्यालयात मिळावी, यासाठी शहरातील जिल्हा काँग्रेस कमिटीचे वरिष्ठ उपाध्यक्ष अॅड. अनिरुद्ध कांबळे, सचिव सचिन साठे व मकरध्वज यादव यांनी अप्पर तहसीलदार गीता गायकवाड यांना याबाबतचे निवेदन दिले आहे.
– प्रतिक जगताप, निगडी
– प्रिती गायकवाड, भोसरी.
आकुर्डी येथील अप्पर तहसील कार्यालयाला अद्यापही स्वतःची जागा नाही. आहे तीच जागा अपुरी असल्याने सर्व तीस गावांचा दस्तऐवज या ठिकाणी ठेवणे शक्य नाही. 2013 व नंतरची सर्व कागदपत्रे येथे उपलब्ध आहेत. मात्र, त्यापूर्वीच्या कागद पत्रांसाठी स्वारगेट येथील खडक माळ कार्यालयात जावे लागते. पीएमआरडीएने अप्पर तहसील कार्यालयाची जागा देखील खाली करण्याचे आदेश दिले आहेत. मात्र, याबाबत जिल्हाधिकार्यांकडे पत्र व्यवहार सुरू असून, स्वतंत्र अभिलेख कक्ष निर्माण करण्याची मागणी देखील केली आहे.
– प्रविण ढमाले, नायब तहसीलदार तथा जन माहिती अधिकारी, आकुर्डी.