पुणे: नॅशनल टेस्टिंग एजन्सी अर्थात एनटीएशी संबंधित परीक्षेची तयारी करणाऱ्या नव्या पिढीतील विद्यार्थ्यांना आता महत्त्वाच्या अपडेट्स मिळविण्यासाठी वारंवार वेबसाइट्स पाहण्याची गरज पडणार नाही. एनटीएने सोशल मीडियाची गरज ओळखून इन्स्टाग््रााम आणि फेसबुकवर अधिकृत खाती सुरू केली आहेत. या खात्यांवर परीक्षेच्या तारखा, प्रवेशपत्रे, निकाल आणि परीक्षा संबंधित महत्त्वाच्या सूचना थेट सोशल मीडियावर उपलब्ध होणार आहेत.
‘एनटीए’ने आपल्या ट्विटर खात्यावर एक संदेश जाहीर केला आहे, ज्यात म्हटले आहे की, ते आता विद्यार्थ्यांच्या ‘आणखी जवळ’ आले आहेत. रिअल-टाइम अपडेट्स, परीक्षेच्या सूचना आणि महत्त्वाची माहिती एकाच ठिकाणी उपलब्ध होईल. विविध राष्ट्रीय स्तरावरील परीक्षांची तयारी करणाऱ्या लाखो विद्यार्थ्यांसाठी हे पाऊल महत्त्वाचे ठरणार आहे.
विद्यार्थी परीक्षेसंबंधित माहितीसाठी अनेक वेबसाइट्स शोधतात. कधी-कधी सर्व्हर्स स्लो असतात आणि कधी-कधी सूचना शोधणे कठीण होते. आता, सोशल मीडियावरील अधिकृत पोस्ट्सद्वारे माहिती त्वरित उपलब्ध होईल. सूचना फोनवर पाठविल्या जातील, ज्यामुळे विद्यार्थ्यांना वेळेवर अपडेट्स पाहता येतील.
प्रवेशपत्र आणि निकालाच्या तारखांदरम्यान वेबसाइट्सवर विशेषतः गर्दी असते. अशा परिस्थितीत, सोशल मीडियावरील अपडेट्स विद्यार्थ्यांना मार्गदर्शन करतील. एनटीएचे (NTA) अधिकृत इन्स्टाग््रााम @nta_india आहे, तर त्यांचे फेसबुक @nta_exams या नावाने उपलब्ध आहे.
विद्यार्थ्यांनी या अकाउंट्सना फॉलो करावे, जेणेकरून त्यांच्याकडून कोणतीही महत्त्वाच्या परीक्षा संबंधित माहिती चुकणार नाही आणि त्यांना नेहमी अचूक, अधिकृत अपडेट्स मिळतील. जेईई मेन्स, नीट, सीयूईटी आणि यूजीसी नेट यांसारख्या परीक्षांना बसणारे लाखो विद्यार्थी आता इंस्टाग््रााम आणि फेसबुकवर थेट अपडेट्स मिळवू शकतील.