चाकण: खेड कृषी उत्पन्न बाजार समितीच्या चाकण येथील महात्मा फुले मार्केट यार्डमध्ये मागील आठवडाभर गडगडलेल्या कांद्याच्या दरात वाढ झाली. गाजर, हिरवी मिरची, टोमॅटो व वाटाण्याचे भाव तेजीत राहिले. आले, वालवड, बटाटा, लसूण व काकडीची भरपूर आवक झाली. चाकण येथील पालेभाज्यांच्या बाजारात मेथी, कोथिंबीर व पालक भाजीची विक्रमी आवक झाल्याने त्यांचे भाव कोसळले. राजगुरुनगर येथील मुख्य बाजारात शेवगा, वांगी, ढोबळी मिरची, फ्लॉवर, कोबी, भोपळा व काकडी यांची मोठी आवक झाली. एकूण उलाढाल 6 कोटी 15 लाख रुपये झाली.
चाकण येथील बाजारात कांद्याची एकूण 3 हजार 500 क्विंटल आवक झाली. कांद्याचा कमाल भाव 2 हजार रुपयांवरून 1 हजार 800 रुपयांवर स्थिरावला. बटाट्याची एकूण आवक 2 हजार क्विंटल झाली. गेल्या शनिवारच्या तुलनेत बटाट्याची आवक निम्म्याने घटूनही बटाट्याचा कमाल भाव 2 हजार रुपयांवर स्थिरावला. लसणाची एकूण आवक 40 क्विंटल झाली. गेल्या शनिवारच्या तुलनेत ही आवक 10 क्विंटलने घटून भाव 10 हजार रुपयांवर स्थिरावले. हिरव्या मिरचीची एकूण आवक 280 क्विंटल झाली. हिरव्या मिरचीला 4 हजार 500 रुपयांपासून ते 5 हजार 500 रुपयांपर्यंत भाव मिळाला.
शेतीमालाची आवक व बाजारभाव:
कांदा : (एकूण आवक 3,500 क्विंटल)- भाव क्र. 1- 1 हजार 800 रुपये, भाव क्र. 2- 1 हजार 200 रुपये, भाव क्र. 3- 800 रुपये. बटाटा : (2,000 क्विंटल)- भाव क्र. 1 - दोन हजार रुपये, भाव क्र. 2- 1500 रुपये, भाव क्र. 3 - 1 हजार रुपये.
फळभाज्यांच्या बाजारात एकूण आवक क्विंटलमध्ये व प्रतिदहा किलोंसाठी मिळालेला भाव कंसात:
टोमॅटो- 272 क्विंटल (2 ते 3 हजार रुपये.), कोबी- 205 क्विंटल (600 ते 900 रुपये), फ्लॉवर- 225 क्विंटल (300 ते 600 रुपये), वांगी- 64 क्विंटल (2 ते 3 हजार रुपये), भेंडी- 90 क्विंटल (4 ते 6 हजार रुपये), दोडका- 68 क्विंटल (3,500 ते 4,500 रुपये), कारली- 70 क्विंटल (3500 ते 4500 रुपये), दुधीभोपळा- 50 क्विंटल (1 ते 2 हजार रुपये), काकडी- 54 क्विंटल (1 ते 2 हजार रुपये), फरशी- 42 क्विंटल (1500 ते 2 हजार रुपये), वालवड- 78 क्विंटल (2 ते 3 हजार रुपये), ढोबळी मिरची- 142 क्विंटल (3 ते 4 हजार रुपये), चवळी- 48 क्विंटल (2 ते 3 हजार रुपये), वाटाणा- 525 क्विंटल (2 ते 2500 रुपये), गाजर- 225 क्विंटल (1500 ते 2 हजार रुपये), गवार- 26 क्विंटल (8 ते 12 हजार रुपये), आद्रक- 130 क्विंटल (3 ते 4 हजार रुपये).
चाकण येथील बाजारात पालेभाज्यांची एकूण आवक जुड्यांमध्ये व शेकडा मिळालेला भाव:
मेथी- एकूण आवक 42 हजार 89 जुड्या (300 ते 600 रुपये), कोथिंबीर- 54 हजार 551 जुड्या (200 ते 560 रुपये), शेपू- 8 हजार 001 जुड्या (700 ते 1200 रुपये), पालक- 7 हजार 658 जुड्या (200 ते 500 रुपये).
जनावरे:
चाकणच्या जनावरांच्या बाजारात विक्रीसाठी आलेल्या 65 जर्शी गायींपैकी 50 गायींची विक्री झाली. त्यांना 15 ते 70 हजार रुपये भाव मिळाला. 117 बैलांपैकी 88 बैलांची विक्री झाली. त्यांची 10 ते 40 हजार रुपयांत विक्री झाली, तर 145 पैकी 115 म्हशींची विक्री झाली. त्यांची 30 ते 80 हजार रुपयांत विक्री झाली. 10 हजार 890 शेळ्यांपैकी 10 हजार 530 शेळ्यांची विक्री झाली. त्यांना 2 ते 15 हजार रुपयांपर्यंत भाव मिळाला.