चाकण: खेड कृषी उत्पन्न बाजार समितीच्या येथील महात्मा फुले मार्केट यार्ड मध्ये नवीन कांद्याची आवक वाढली. मात्र, कांद्याच्या भावात वाढ झाली. वाटाणा, हिरवी मिरची, गाजर, शेवगा, डांगर भोपळा यांची मोठी आवक झाली. दोडका, कारली, वालवड, लसूण, बटाटा, भेंडी व वाटाण्याच्या भावात वाढ झाली. पालेभाज्यांच्या बाजारात कोथिंबीर, मेथी, पालकाचे भाव कडाडले होते. राजगुरुनगर येथील मुख्य बाजारात रताळी, वांगी, फ्लॉवर, कोबी, काकडी, भोपळा, शेवगा, काकडी, फरशी व गवार यांची भरपूर आवक झाली. एकूण उलाढाल 5 कोटी 50 लाख रुपये झाली.
चाकण बाजारात कांद्याची एकूण 2 हजार 550 क्विंटल आवक झाली. कांद्याचा कमाल भाव 1,500 रुपयांवरून 2,500 रुपयांवर पोहोचला. बटाट्याची एकूण आवक 1,500 क्विंटल झाली. गेल्या शनिवारच्या तुलनेत बटाट्याची आवक 100 क्विंटलने वाढली. बटाट्याचा कमालभाव 2,000 रुपयावर स्थिरावला. लसणाची एकूण आवक 50 क्विंटल झाली. गेल्या शनिवारच्या तुलनेत ही आवक स्थिर राहून भावही 10,000 रुपयांवर स्थिरावले. हिरव्या मिरचीची एकूण आवक 370 क्विंटल झाली. हिरव्या मिरचीला 3 हजार रुपयांपासून ते 4 हजार रुपयांपर्यंत भाव मिळाला.
शेतीमालाची आवक व बाजारभाव पुढीलप्रमाणे : कांदा - एकूण आवक - 2,550 क्विंटल. भाव क्रमांक - 1. 2,500 रुपये, भाव क्रमांक 2. 1,500 रुपये, भाव क्रमांक 3. 1,000. बटाटा - एकूण आवक - 1,500 क्विंटल. भाव क्रमांक 1. 2,000 रुपये, भाव क्रमांक 2. 1,500 रुपये, भाव क्रमांक 3. 1,000 रुपये.
फळभाज्या : फळभाज्यांच्या बाजारात एकूण आवक क्विंटलमध्ये व प्रतीदहा किलोंसाठी मालाला मिळालेले भाव कंसात रुपयांत पुढीलप्रमाणे - टोमॅटो - 272 क्विंटल (2,500 ते 3,500), कोबी - 205 क्विंटल (1,300 ते 1,800), फ्लॉवर - 215 क्विंटल (1,500 ते 2,000), वांगी - 76 क्विंटल (4,000 ते 6,000), भेंडी - 92 क्विंटल (4,000 ते 6,000), दोडका - 68 क्विंटल (3,000 ते 5,000), कारली - 58 क्विंटल ( 4,000 ते 6,000), दुधीभोपळा - 52 क्विंटल (1,500 ते 2,500), काकडी - 84 क्विंटल (1,000 ते 1,600), फरशी - 50 क्विंटल (2,500 ते 3,500), वालवड - 69 क्विंटल (3,000 ते 4,000), ढोबळी मिरची - 128 क्विंटल (3,000 ते 4,000), चवळी - 44 क्विंटल (2,500 ते 3,500), वाटाणा - 225 क्विंटल (5,000 ते 6,000), गाजर - 130 क्विंटल (1,500 ते 2,300), गवार - 22 क्विंटल (7,000 ते 10,000), आले - 170 क्विंटल (3,000 ते 4,000).
पालेभाज्या: पालेभाज्यांची एकूण आवक जुड्यांमध्ये व भाज्यांना मिळालेले भाव पुढीलप्रमाणे - मेथी - एकूण 25 हजार 430 जुड्या (600 ते 1,200 रुपये), कोथिंबीर - एकूण 28 हजार 540 जुड्या (1,000 ते 1,500 रुपये), शेपू - एकूण 2 हजार 540 जुड्या (1,000 ते 1,500 रुपये), पालक - एकूण 3 हजार 690 जुड्या (600 ते 1,000 रुपये).
जनावरे: जनावरांच्या बाजारात विक्रीसाठी आलेल्या 52 जर्सी गायींपैकी 42 गायींची विक्री झाली. (15,000 ते 70,000 रुपये), 90 बैलांपैकी 78 बैलांची विक्री झाली. (10,000 ते 40,000 रुपये), 125 म्हशींपैकी 95 म्हशींची विक्री झाली. (30,000 ते 80,000 रुपये), 8,600 शेळ्या - मेंढ्यांपैकी 8 हजार 400 शेळ्यांची विक्री झाली. त्यांना 2,000 रुपयांपासून ते 15 हजार रुपयांपर्यंत भाव मिळाला.